စိတ်တွေ ဘာကြောင့် လေးလံထိုင်းမှိုင်းလာရလဲဆိုတဲ့အကြောင်းကို ဇာစ်မြစ်လိုက်ကြည့်ရင် “ပညတ်”တွေများလာလို့ပဲဆိုတဲ့ အဖြေကိုတွေ့ရမှာပါ။
ဟုတ်ပါရဲ့။ “ပညတ်”တွေဟာ စိတ်ထဲကို အလုံးအရင်းနဲ့ ၀င်ရောက်လာပြီး စိတ်ထဲမှာ “ပညတ်”တွေနဲ့ပဲ ပြွတ်သိပ်ကျပ်ညပ်နေရင် စိတ်ဟာ တော်တော့်ကို လေးလံသွားတော့တာပါပဲ။
သည်တော့ကာ “ပညတ်”တွေ စိုးမိုးမင်းမူနေတဲ့ စိတ်ရဲ့နယ်ပယ်ထဲကို “ပရမတ်”တရားဟာ ၀င်ပြီး နေရာယူဖို့ အခွင့်မသာတော့ဘူးပေါ့။
ပညတ်တရားဟာ တကယ်မရှိတဲ့ အရှိအယောင်တွေကို သဏ္ဌာန်လုပ် သရုပ်တူပြသနေတတ်ပါတယ်။
“ပရမတ်”တရားကတော့ တကယ်ရှိတဲ့ အရှိတရားကို သဘာဝအတိုင်းပြသဖို့ အခါအခွင့်ကို စောင့်ဆိုင်းနေရလေ့ရှိပါတယ်။
သာမာန်လူမှုဆက်ဆံရေးနယ်ပယ်မှာက “ပညတ်”ဆိုတာကလည်း မသုံးလို့ မဖြစ်ဘူးကိုး။ သည်တော့လည်း ပုထုဇဉ်တွေဟာ “ပညတ်”ကို သုံးရင်းက စွဲသွားကြတာလည်း အပြစ်တင်စရာမဟုတ်ပါဘူး။ ပုထုဇဉ်အသီးသီးမှာကလည်း သံသရာလည်စေတတ်တဲ့ အခံဓာတ်တွေက ကိန်းဝပ်နေပြီးသားမို့ သုံးရင်စွဲ၊ စွဲတော့လည်း ထပ်သုံးနဲ့ ဖြစ်နေကြတာ မဆန်းလှပါဘူး။
တကယ်တော့ စိတ္တက္ခဏ သဘာဝဖြစ်စဉ်အရ စဦးစွာမြင်တာ၊ ကြားတာ၊ နံတာ၊ အရသာပေါ်တာ၊ ထိတာ သိတာတွေမှတ်သမျှဟာ ဖြစ်ဖြစ်ချင်းမှာ ပရမတ်တရားတွေချည်းပါပဲ။
ဒါကိုပဲ ပညတ်အဖြစ်နဲ့ ပြောင်းလဲပုံဖေါ် အဓိပ္ပါယ်သွင်းလိုက်လေမှ ခံစား၊ မှတ်သား၊ သိမြင်လို့ ရတော့တာကိုး။
အဲဒီအချိန်မှာ တကယ်ဖြစ်နေတာက အာရုံနဲ့ ဒွါရတိုက်ဆိုင်မှုကြောင့် ပရမတ်ခန္ဓာတွေပေါ်နေတာပါ။
ဒါပေမယ့် အခံဓာတ်ဖြစ်တဲ့ တဏှာ၊ မာန၊ ဒိဋ္ဌိတွေက ငါတပ်ပြီး ပညတ်နယ်ပယ်ထဲ ဇွတ်အတင်းဆွဲ သွင်းလိုက်တဲ့အခါ ပရမတ်တရားတွေဟာ အဖျက်ဆီးခံလိုက်ရပြီး ပညတ် အဖြစ်နဲ့ ပုံပြောင်းခဲ့ရတော့တာပါပဲ။
သည်လိုနဲ့ သစ္စာတရားကို မသိနိုင်တဲ့ အဝိဇ္ဇာရဲ့ ရေစီးပေါ်မှာ မျောပါလာတဲ့ ပညတ်တွေဟာ စိတ်ထဲမှာ ဒိုက်သရိုက် အမှိုက်တွေဖြစ်မှန်းမသိ ဖြစ်လာခဲ့တာကို ကာယကံရှင်တွေခမျာ မရိပ်မိကြပေဘူး။
သည်တော့လည်း ဒိုက်သရိုက် အမှိုက်နဲ့တူတဲ့ ပညတ်တွေကို စိတ်ထဲကဖယ်ရှားပြီး မူလပိုင်ရှင်ဖြစ်တဲ့ ပရမတ်ရဲ့ လက်ထဲကို ရှင်းသွားတဲ့ စိတ်ကို ပြန်လွှဲပြောင်းပေးဖို့ရာ မဆောင်ရွက်ဖြစ်ကြတော့ဘူးပေါ့။
မြတ်ဗုဒ္ဓဘုရားရှင်ဟာ ပညတ်တွေရဲ့ အန္တရာယ်ကို လေးလေးနက်နက် သိမြင်လို့ ဉေယျဓံတရားကို သိပြီး သဗ္ဗညုတဉာဏ်တော်ကြီးကို ရခဲ့တယ်လို့ ဆိုပါတယ်။
ပညတ် အပေါ် အကျွမ်းကျင်ဆုံး၊ ရှုမြင်သုံးသပ်သိမြင်နိုင်မှု အနိုင်နင်းဆုံးကတော့ မြတ်ရှင်ဗုဒ္ဓပါပဲ။
ပုထုဇဉ်တွေဟာ ပညတ်ကို ပညတ်မှန်း မသိကြလို့ အမှိုက်သရိုက်တွေကို ရင်ဝယ်ပိုက်ပြီး သံသရာခရီးကိုပူလောင်ဆင်းရဲကြီးစွာနဲ့ မရပ်မနားနိုင်၊ ဖြတ်သန်းနေကြတာကို ဘုရားရှင်က သဗ္ဗညုဉာဏ်တော်ကြီးနဲ့ သိမြင်တော်မူပါတယ်။
ဒါကြောင့်မို့ ပညတ်တွေကို သုံးတော့သုံးကြပါ။ မစွဲကြပါနဲ့လို့ မဟာကရုဏာဉာဏ်တော်ကြီးနဲ့ မှာကြားဆုံးမတော်မူခဲ့ပါတယ်။
အဖေ၊ အမေ၊ ဆရာသမား၊ ဇနီး၊ သားမယားဆိုတာကို ပညတ် တရားအနေနဲ့ နှုတ်ကတော့ ခွဲခြားပြောဆိုအသုံးပြုရမှာပါပဲ။
ဒါပေမယ့် ရင်ထဲမှာကတော့ ရုပ်နာမ်သဘာဝ ပရမတ်တရားအနေနဲ့ သိမြင်နှလုံးသွင်းထားရမှာပါ။ တစ်ခုတော့ရှိပါတယ်။ ရင်ထဲမှာ နှလုံးသွင်းထားရမှာကို နှုတ်ဖျားမှာ သွားပြောမိပြီး၊ နှုတ်ဖျားမှာ ပြောရမှာကိုတော့ ရင်ထဲကို နှလုံးသွင်းအဖြစ် ပို့ပေးလိုက်ရင်တော့ ပညတ်နဲ့ ပရမတ်ကို နေရာမှားပြီး အသုံးပြုလိုက်တဲ့အတွက် လောကရဲ့နယ်ပယ်မှာ ရှုပ်ထွေးပြီး ကမောက်ကမတွေ ဖြစ်ကုန်တော့မှာပါပဲ။ အပါယ်လေးဘုံ သွားဖို့ရာအတွက်လည်း လက်မှတ်ကြိုဝယ်သလို ဖြစ်သွားနိုင်ပါတယ်။
ဒါကိုလည်း ကျွမ်းကျင်နိုင်နင်းအောင် အလေ့အကျင့်တစ်ခုအနေနဲ့ အမြဲတမ်း ထုံမွမ်းထားဖို့လည်း လိုပြန်တာပါပဲ။
ပညတ်နဲ့တူတဲ့ အမှိုက်သရိုက်တွေ စိတ်ရေပြင်ပေါ်မှာ ရှင်းသွားနိုင်ဖို့အတွက် မလုပ်မဖြစ်လုပ်ရမယ့် အလုပ်ကတော့ မြတ်ဗုဒ္ဓမိန့်မှာခဲ့တဲ့ သတိပဋ္ဌာန်တရားကို အားထုတ်ခြင်းပါပဲ။
သည်လို သတိပဋ္ဌာန်တရားရဲ့ အကူအညီကိုရယူပြီး ပညတ်တွေကို မနှိမ်နင်းနိုင်ခဲ့ရင် စိတ်ရေပြင်ကြီးတစ်ခုလုံး ဒိုက်သရိုက်၊ မှော်၊ အမှိုက်တွေ ဖုံးလွမ်းပြီး ကြာရင် ရေမှန်းတောင် မသိနိုင်တော့ဘဲ အမှိုက်ပြင်ကြီးလို ဖြစ်သွားမှာကတော့ သေချာလှပါတယ်။
အဲဒီအခါ သင်္ခတ ပရမတ်နယ်ပယ်မှာရှိတဲ့ စိတ်၊ စေတသိက်၊ ရုပ်တရားတွေဟာ ဘာတွေလဲဆိုတာကို သိဖို့အခွင့်မသာတော့ဘူးပေါ့။
သည်လိုဆိုရင် အသင်္ခတ ပရမတ်နယ်ပယ်မှာရှိတဲ့ နိဗ္ဗာန်ကတော့ ဝေလာဝေးပေါ့။
ပညတ် အမှိုက်တွေ ရှင်းသွားလေမှ စိတ်ရဲ့ သဘာဝ၊ စေတသိက်ရဲ့ သဘာဝ၊ ရုပ်ရဲ့သဘာဝတွေကို သတိပဋ္ဌာန်တရား အကူအညီနဲ့ ထိုးထိုးထွင်းထွင်း သိမြင်နိုင်မှာပါ။
ယှဉ်ဖော်ယှဉ်ဖက်တရားတွေရဲ့ အလုပ်လုပ်ပုံတွေ၊ အတူတကွနေထိုင်ကြတဲ့ တရားတွေရဲ့ အပြန်အလှန်ထောက်ကူဖေးမပုံတွေ၊ တစ်ဦးက တစ်ဦးကို ရှိခြင်းနဲ့ ကူညီသလို၊ တစ်ဦးရဲ့ မရှိခြင်းကလည်း အခြားတစ်ဦးအတွက် အကျိုးဖြစ်ပုံတွေစတဲ့ သင်္ခတပရမတ်နယ်သားတွေရဲ့ သဘာဝတရားတွေဟာ စိတ်ဝင်စားဖွယ်ကောင်းလှပါတယ်။
သည်အခြေအနေနဲ့ သဘာဝတရားတွေကို ထပ်ကာထပ်ကာ သိမြင်လာပြီးတဲ့နောက်မှာ အားလုံးသော ဓမ္မတွေဟာ ဖြစ်ပြီးရင် ပျက်တတ်ကြတာချည်းပါပဲလားဆိုတာ ကောက်ချက်ချနိုင်လာပါလိမ့်မယ်။
သည်တော့မှ မဖြစ်၊ မပျက်ရာ ဓမ္မတစ်ခုရှိရဦးမယ်ဆိုတာကို ရိပ်မိလာပြီး အဲဒီမြုပ်နေတဲ့ သဘာဝတရားတစ်ခုကို စိတ်ပါဝင်စားစွာ ရှာဖွေလိုစိတ်တွေ ထက်သန်လာပါလိမ့်မယ်။
အဲဒီအချိန်မှာတော့ နောက်ဆုံး ပရမတ်တရားဖြစ်တဲ့ နယ်ခြားပယ်ခြား အသင်္ခတပရမတ်ကို အမှန်တကယ် သိမြင်လိုစိတ်တွေ ပြင်းပြလာပါလိမ့်မယ်။
သည်အချိန်မှာ အဖြစ်တရားနဲ့ အပျက်တရားတွေရဲ့ ဒုက္ခသစ္စာကို ခံစားရတာ ငြီးငွေ့လာခဲ့ပြီမို့ အဲဒီတရားတွေရဲ့ လွတ်မြောက်ရာ တရားတစ်ခုကို သိမြင်နိုင်ဖို့ ရည်သန်လာခဲ့ပါပြီ။
အဲဒီတရားကိုတော့ ခံစားဖို့မဟုတ်ဘူး။ အဲဒီတရားကလည်း ခံစားလို့မရနိုင်ဘူး။ ခံစားဖို့ အခွင့်အရေးကိုလည်း အဲဒီတရားကပေးမှာမဟုတ်ဘူး။ အဲဒီတရားတွေရဲ့ လွတ်မြောက်ရာ တရားတစ်ခုကို သိမြင်နိုင်ဖို့ ရည်သန်လာခဲ့ပါပြီ။
အဲဒီတရားကိုတော့ ခံစားဖို့မဟုတ်ဘူး။ အဲဒီတရားကလည်း ခံစားလို့မရနိုင်ဘူး။ ခံစားဖို့ အခွင့်အရေးကိုလည်း အဲဒီတရားကပေးမှာမဟုတ်ဘူးဆိုတာကိုလည်း ယှဉ်တွဲနားလည်လာပါလိမ့်မယ်။
သည်နေရာမှာ သက်တော်ထင်ရှား ရှိနေဆဲဖြစ်တဲ့ ပခုက္ကူဆရာတော်ဘုရားကြီးရဲ့ ထိမိလှတဲ့ အဆုံးအမ တရားတစ်ပုဒ်ကို သတိရလိုက်မိပါတယ်။
အဝိဇ္ဇာဖုံးတယ်ဆိုတာ၊ ပညတ်ဖုံးတာ။ ပညတ်ကို ပညတ်မှန်းမသိတာ။ အဝိဇ္ဇာဆိုတာပညတ်ကြောင့် ဖြစ်တာ။ ဒါကြောင့် အဝိဇ္ဇာမဖြစ်အောင် ပညတ်မရောက်အောင် သတိပြုနေရင် အဝိဇ္ဇာမဖြစ်ဘူး။
လူတောထဲနေပေမယ့် ပညတ်မရောက်အောင် သတိပြုနေရင်တောရဆောက်တည်တာနဲ့ အတူတူပဲ။
ပညတ်မရောက်အောင် ဘယ်လိုသတိပြုနေရမလဲဆိုရင် နာမသန္တာန် မရောက်ရန် အမှန်သတိပြုနေရမယ်။ ရောက်မယ်ကြံရင် သတိ သာပြုလိုက်။ အဝိဇ္ဇာမဖြစ်တော့တဲ့ ဉာဏ်ဖြစ်သွားလို့ ဉာဏံဥဒပါဒိဖြစ်တာပေါ့။
ဉာဏံဥဒပါဒိ ဖြစ်တာများလာရင် မဂ်ဉာဏ်ကြီးဟာ မလွဲတော့ပါဘူး။ မြတ်စွာဘုရားက ပညတ်ကိုသိလို့ ဉေယျဓံတရားသိပြီး သဗ္ဗညုတဉာဏ်တော်ကြီးကို ရတာပါ။
စာဖတ်သူများ သတိတရားဖြင့် ပညတ်ဖယ်ရှား၊ ပရမတ် တရား ပွားများသိမြင်နိုင်ပါစေရန် ဆုပန်ချွေလျက် .............။
မြသန်းစံ
မခံစားရခြင်း၏ ချမ်းသာ စာစုမှ
No comments:
Post a Comment