သင်္ခတဋ္ဌော=တဏှာယောက်ျားလက်သမား၏ ဆိုးဝါးယုတ်မာ ပြုပြင်ရာကို ရံခါမသွေ အမြဲခံနေတဲ့သဘော။ ခင်ဗျားတို့၏ ခန္ဓာငါးပါးဟာ တဏှာယောက်ျားလက်သမား၏ ပြုပြင်ရာကို အမြဲခံနေရတယ်။ အမြဲခံနေရသောကြောင့် ဒုက္ခသစ္စာ။ အခုရထားတဲ့ခန္ဓာငါးပါးဟာ ဒုက္ခသစ္စာ၊ ဘာ့ကြောင့်လဲ၊ နှိပ်စက်ခံနေရလို့။ ဒါဖြင့် လူဆိုတာလဲ ဒီ ခန္ဓာငါးပါးပဲ၊ နတ်ဆိုတာလဲ ဒီခန္ဓာငါးပါးပဲ၊ ဗြဟ္မာဆိုတာလဲ ဒီခန္ဓာ ငါးပါးပဲ။
ဒါဖြင့် ခန္ဓာဆုတောင်းတဲ့ ပုဂ္ဂိုလ်များဟာ အနှိပ်စက်ခံရဖို့ရာ အနှိပ်စက်ခံစရာပစ္စည်းကို တောင်းယူတာပဲ။ ခန္ဓာငါးပါးသည် အနှိပ်စက်ခံရဖို့ဖြစ်ပေါ်လာတယ်။ ဇာတိမီး၊ ဇရာမီး၊ ဗျာဓိမီး၊ မရဏမီးတွေဟာ ခန္ဓာငါးပါးကိုအမြဲလောင်နေတော့ ခန္ဓာငါးပါးဟာ လောင်စာကြီးပဲ။ ခန္ဓာဟူသမျှ လောင်စာကြီးပဲ။ သူများနှိပ်စက်ခံရဖို့ ဒုက္ခရောက်ရမယ့် သဘောကြီးပဲလို့ ဒီလိုသစ္စာတရားကို နားလည်းရတယ်။ ဒါသိနားလည်တာနဲ့ ကိလေသာခြောက်တယ်။ နောက် ဉာဏ်သုံးဆင့်နဲ့ပွားလိုက်မယ်ဆိုရင် မဂ်ဆိုက်တာပဲ။ ဒါကြောင့် သောတာပန်ဖြစ်ဖို့ရာ သစ္စာတရားနာဖို့ရယ် သစ္စာတရားအတိုင်း နှလုံးသွင်းနေဖို့ရယ် ဒီ နှစ်ချက်ပဲ အရေးကြီးတယ်။ ဒီ နှစ်ချက်နဲ့ ကိစ္စပြီးပါတယ်။
ခန္ဓာငါးပါးဟာ တဏှာ ပြုပြင်သလို ခံနေရတယ်။ ခံနေရတော့ တဏှာက ဘယ်ဘုံသွားလိုက်ဆို သွားသေရတယ်။ သူ(တဏှာ)နဲ့ ဆုတောင်းယူထားတာကိုး။ သူနဲ့ ဆုတောင်းယူထားတော့ သူစီမံသလို ခံနေရတာပေါ့။ သူက ခြေလေးချောင်းဖြစ်လိုက်ဆိုရင် ဖြစ်ရ၊ ခြေနှစ်ချောင်းနဲ့ ဖြစ်လိုက်ဆိုရင် ဖြစ်ရ၊ ခြေမပါတာဖြစ်လိုက်ဆိုရင် ဖြစ်ရ၊ နကင်းကြီးတွေနဲ့ ဖြစ်လိုက်ဆို ဖြစ်ရ၊ ၃၁-ဘုံမှာဖြင့် တဏှာက ဘုရင်လုပ်ပြီး အုပ်ချုပ်နေတာ၊ စီမံနေတာ။ ဒါကြောင့် အကုသိုလ်စိတ် ၁၂-ပါး၊ တထောင့်ငါးရာ ကိလေသာ များချင်တိုင်းများ၊ ဘုရားက သစ္စာကျတော့ သမုဒယသစ္စာတဏှာဟာ အဆိုးဆုံးပါကွာဆိုပြီး တဏှာသတ်ရင် တထောင့်ငါးရာတွေ အကုန်သေသွားတာပဲ။
တဏှာဆိုးပုံ။ ။ တဏှာက တလောကလုံးကို ဒုက္ခမျိုးစုံပေးနေတာပဲ။ မနိုင်ဝန်ထမ်းခိုင်းတာလဲ သူပဲ။ နိုင်တဲ့ဝန် ထမ်းခိုင်းတာလဲ သူပဲ။ ကောင်းကောင်းနေရတဲ့အချိန်လို့ကိုမရှိဘူး။ တဏှာဘုရင်အောက်မှာ နေရတဲ့ ကျွန်သပေါက်သည် ဘယ်အချိန်မှ စိတ်ချမ်းသာမှု မရဘူး။ ဘယ်အချိန်မှ မအားရဘူး။ နေပူမရှောင် မိုးရွာမရှောင် လုပ်ကိုင်ကြရတာလဲ တဏှာက ခိုင်းတာပဲ။ ဒါလုပ်မှ ရမှာ။ ဒါကိုင်မှ ရမှာဆိုတော့။ တဏှာကို ခင်ဗျားတို့ ဖီဆန်ရဲရဲ့လား၊ မဖီဆန်ရဲဘူး။
တဏှာက ၃၁-ဘုံကို ပိပြားနေအောင် အုပ်ချုပ်နိုင်တယ်။ ဘယ်လောက်များ အုပ်ချုပ်ရေးပိသတုံးဆို - သူ့ကို ဖီဆန်ကောင်းတယ်လုိ့တောင် မသိကြဘူး။ လူဖြစ်ရင် လုပ်စားရလိမ့်မယ်သာ သိတယ်။ ဒီအပြင် ဘာမှမသိကြဘူး။ သင်းကြောင့် တို့ဆင်းရဲဒုက္ခရောက်ရတယ်လို့ တဏှာကို စွဲချက်မတင်ရဲကြဘူး။ သူ့ကိုသတ်လိုက်ရင် တို့ချမ်းချမ်းသာသာနေရရဲ့လို့၊ ဒီလိုကို မလာဘူး။ တဏှာကို ဦးတင်ပြီး၊ ဟုတ်ပါ့ဘုရား၊ မှန်ပါ့ဘုရားလို့သာ လုပ်နေကြတယ်။ အလုပ်အကိုင်ဟူသမျှကို တဏှာလောဘနဲ့ကြံစည်ကြတယ်။ လုပ်ကိုင်လို့ရလာတော့ တဏှာလောဘကိုပင် ကျေးဇူးတင်ကြသေးတယ်။ ဒီတော့ တဏှာကိုဦးတင်ပြီး တဏှာပြုပြင်သလို စီမံသလို ခံနေရတယ်ဆိုတာ သေချာတယ်။ ဘုရားက တဏှာကို ရန်သူလုပ်ပြီး သူ့ကိုပယ်ရမယ်ကွလို့ ဟောထားတယ်။ ခင်ဗျားတို့က ဦးတိုက်နေတော့ ဘုရားနဲ့ ကန့်လန့်လုပ်နေကြတာပေါ့။
ဒီခန္ဓာငါးပါးဟာ တဏှာအကြိုက် လိုက်နေရတယ်နော်၊ မယုံရင် ၃၁-ဘုံသားတွေ မေးကြည့်ကြ။ မင်းနတ်ပြည်ရောက်အောင် ဘယ်သူပို့လိုက်တာတုံး တဏှာပို့လိုက်တာ။ ငရဲပို့လိုက်တာလဲ တဏှာပဲ။ မင်းမသွားချင်ဘဲနဲ့ တဏှာကပို့လိုက်တာ၊ လိမ်လည်ကောက်ကျစ်ပြီး စားဖြစ်အောင်စားတဲ့ တဏှာကခိုင်းတယ်။ စားဖြစ်အောင်စားဆိုတော့ ဒါအပါယ်သွားခိုင်းတာ။ တဏှာပို့လိုက်တော့ ၃၁-ဘုံမှာ ပုပုရွရွဖြစ်သမျှ သတ္တ၀ါတွေဟာ တဏှာစီမံသလိုခံနေရတာ။ တဏှာကသွားဆိုသွားလိုက်ရ၊ တဏှာက လာခဲ့ဆိုလာခဲ့ရ။ တဏှာကဂျွမ်းထိုးနေလိုက်ဆို ဂျွမ်းထိုးနေရတယ်။ ခန္ဓာက ဒီလိုခံနေရတယ်။ သတ္တ၀ါတွေ ဒီလိုခံနေရတယ်။ ခံနေရတော့ ခန္ဓာငါးပါးဟာ ဒုက္ခရောက်ရတယ်။ ဒီလိုတဏှာ၏အနှိပ်အစက်ကို အမြဲခံနေရသောကြောင့် ခန္ဓာငါးပါးကို ဒုက္ခသစ္စာလို့ ခေါ်ရတာ။ ဒါကြောင့် ဘယ်ခန္ဓာဆုတောင်းဆုတောင်း၊ ဆုတောင်းရင်ကျွန်ဆုတောင်းတာပဲ၊ ဒုက္ခဆုတောင်းတာပဲ။
ခန္ဓာငါးပါးဟာ တဏှာပြုပြင်ရာကို ခံနေရတယ်။ တခါတလေ တဏှာက ဘောလုံးကန်သလို ကန်တင်လိုက်တော့ နတ်ပြည်ရောက်သွားတယ်။ တခါတလေ တဏှာက နတ်ပြည်ကကန်ချလိုက်တော့ အပါယ်ရောက်သွားတာပဲ။ တခါထဲ တဏှာကကန်တင်လိုက်တာ နတ်ပြည်မှာ နတ်သမီးတွေ တဖက်ငါးရာနဲ့ဟုတ်လား၊ တော်တော်ကြာ တဏှာဒိဋ္ဌိက ဆွဲချလိုက်တော့ တခါထဲ အပါယ်ထိကျသွားတာပဲ။ တဏှာကကန်တင်တဲ့နေရာမှာ တဏှာသက်သက်နဲ့တော့ မရောက်ဘူးပေါ့။ ကုသိုလ်အပေါ်မှာ တဏှာကအုပ်ချုပ်ပြီး တက်သွားတယ်။ ကုသိုလ်ပေါ်မှာ တဏှာကလွှမ်းမိုးထားတယ်။ ဒီကုသိုလ်မျိုးကို အာသ၀ါ ပုညဘာဂိယာလို့ခေါ်တယ်။ ခင်ဗျားတို့ ပြုထားတဲ့ ဒါနကုသိုလ်၊ သီလကုသိုလ်၊ သမထကုသိုလ်တွေဟာ အာသဝေါတရား၏ အာရုံတွေဖြစ်နေတယ်။ ပုညဘာဂိယာကုသိုလ်တော့ဟုတ်ပါရဲ့။ သို့သော် တဏှာရိပ်ကမကင်းသေးဘူး။ မကင်းတော့ ခန္ဓာငါးပါးပဲ ပြန်ရမယ်။ နိဗ္ဗာန်တော့မရဘူးတဲ့။ ဘုရားက တဏှာအုပ်ချုပ်ရေးမကင်းတဲ့ ကုသိုလ်ဟူသရွေ့ဟာ ခန္ဓာငါးပါးပဲ ပြန်ရမယ်။ ခန္ဓာငါးပါးဟာ ဒုက္ခသစ္စာဆိုတော့၊ ဒုက္ခသစ္စာ ဒုက္ခကြီးပဲပြန်ရမယ်တဲ့။ ဒါဖြင့် ဒုက္ခသစ္စာကို မရချင်မလိုချင်လို့ ကြောက်ကြလို့ရှိရင် တဏှာမခြံရံစေနဲ့တဲ့။
ခင်ဗျားတို့ပြုတဲ့ကုသိုလ်တွေမှာ လောဘနဲ့ တောင်းတဲ့ကုသိုလ်တွေလဲပါတယ်။ ဒေါသနဲ့တောင်းတဲ့ ကုသိုလ်တွေလဲပါတာပဲ။ ဒီသား ဒီမယားနဲ့ ဘယ်တော့မှ မခွဲပါရစေနဲ့ဆိုတော့ ဒါလောဘနဲ့ ဆုတောင်းတာ။ ဒီသားဒီမယားနဲ့ဖြင့် ဘယ်တော့မှ မတွေ့ပါရစေနဲ့ဆိုတော့ ဒါ ဒေါသနဲ့တောင်းတာ။ ဒီလို လောဘနဲ့တောင်း ဒေါသနဲ့တောင်း မောဟနဲ့တောင်းဆိုတော့ ဒီကုသိုလ်တွေဟာ အာသ၀နယ်က မလွတ်ဘူး။ အာသ၀နယ်က မလွတ်တဲ့တရား ဟူသရွေ့ (ကုသိုလ်ရော အကုသိုလ်ပါ) အာသ၀နယ်ထဲပဲ ခန္ဓာငါးပါးပြန်ရမယ်။ ဒီလိုဆိုတော့ပေးလဲပေးရ လှူလဲလှူရသေး ဒုက္ခလဲရောက်ရသေး၊ ဒုက္ခသစ္စာကြီးလဲ ပြန်ရသေးဆိုတော့ အာသ၀အုပ်ချုပ်ရေးမကင်းတဲ့ ကုသိုလ်ဆိုတာ သေချာတယ်။
နောင်ဘ၀ အသက်ရှည် ကျန်းမာချင်လို့ သီလဆောက်တည်တယ်ဆိုတော့ ဘ၀ပါနေတဲ့အတွက် အာသ၀နယ်ကမလွတ်ဘူး။ တန်ခိုးကြီးတဲ့ ဗြဟ္မာ့ကြီးဖြစ်ချင်လို့ မေတ္တာဂရုဏာ မုဒိတာ ဥပက္ခာတွေ သမထဈန်တရားတွေ ပွားများအားထုတ်နေတယ်ဆိုတော့ ဗြဟ္မာဖြစ်ချင်တဲ့ အာသ၀က အုပ်ချုပ်လျက်ပဲရှိနေတယ်။ ဗြဟ္မာခန္ဓာလဲ ဒုက္ခသစ္စာပဲလို့ မသိတော့ အ၀ိဇ္ဇာသ၀ဖြစ်တယ်။ ဒီတော့ အခုလုပ်နေတဲ့ကုသိုလ်တွေဟာ ဒုက္ခသစ္စာကြောက်လို့ လုပ်နေတဲ့ ကုသိုလ်တွေမဟုတ်ပဲ ဒုက္ခသစ္စာ ကြီးကြီးကျယ်ကျယ်ရဖို့ အလုပ်တွေလုပ်နေရတာကများတယ်။ ဒါကြောင့် ဒုက္ခသစ္စာမသိလို့ တောင့်တပြီးလုပ်တဲ့ ကုသိုလ်ဟူသရွေ့ဟာ ကိလေသာပွားတာပဲ။ ဒီ လူနတ်ဗြဟ္မာ ခန္ဓာတွေဟာ တဏှာအရှင်သခင်ကြီးက ခင်ဗျားတို့ဝမ်းထဲကနေပြီး တခါထဲစီမံလိုက်တာပဲ။
ခန္ဓာကခိုင်းဖတ်။ ။ ဘယ်ကုန်ရောင်းလိုက်၊ ဘယ်ကုန်ဝယ်လိုက်၊ ဘယ်လိုပြောလိုက်၊ ဘယ်ကိုသွားလိုက်၊ ဘယ်လိုချိန်လိုက်၊ ဒီလိုတဏှာကခိုင်းတော့ ခန္ဓာငါးပါးက တဏှာခိုင်းရာလုပ်နေရတာပဲ။ တောင်ဘက်မှာဈေးကောင်း၊ တောင်ဘက်သွားရောင်း၊ မြောက်ဘက်မှာ ဈေးကောင်း၊ မြောက်ဘက်မှာ သွားရောင်း၊ အောက်ပြည်မှာ ဈေးကောင်းရင် အောက်ပြည်မှာသွားရောင်း၊ အထက်(အညာ)မှာ ဈေးကောင်းရင် အထက်မှာ သွားရောင်းရ၊ ဒီလိုပဲ ခန္ဓာငါးပါးကြီးဟာ မင်းဘေး ခိုးသူဘေး ဒမြဘေးတွေ အန္တရာယ်တွေထဲမှာ ပြေးလွှားနေရတာပဲ။ အန္တရာယ်မကင်းတဲ့လမ်းတွေ အတင်းသွားခိုင်းတာပဲ၊ မွေးတစ်နေ့ သေတစ်နေ့ သွားမှာသာသွားကွ စသည်နဲ့ အတင်းခိုင်းတော့တာပဲ။ ဒီတော့ တဏှာကအခိုင်းသမား ခန္ဓာက ခိုင်းဖတ်ပေါ့။ ခင်ဗျားတို့ အပြေးအလွှားလုပ်စားရတဲ့ ခန္ဓာကြီး ရထားပေါ့။
တဏှာကတော့ ပျိုလည်းမရှောင်၊ အိုလည်းမရှောင် အတင်းခိုင်းမှာပဲ။ ကျုပ်က အသက်ကြီးနေပြီ ဆရာကြီးက သိပ်ခိုင်းတာပဲ၊ အခိုင်းရက်စက်လိုက်တာလို့များ ပြန်ပြောရဲရဲ့လား။ မပြောရဲဘူး။ မျက်မှန်တပ်ပြီးလုပ်လေကွာ၊ တောင်ဝှေးထောက်သွားပြီး လုပ်လေကွာလို့ တဏှာကခိုင်းနေတာပဲ။ နေရဲရဲ့လား။ မနေရဲဘူး၊ လုပ်ပါ့မယ်၊ လုပ်ပါ့မယ်လို့သာ သံတော်ဦးတင်ရတာပဲ မဟုတ်လား။ အိုခြင်းတရားနဲ့ တွေ့တော့လည်း ဒီခန္ဓာကြီးကို တဏှာကချမ်းသာမပေးဘူး။ နေမကောင်း ထိုင်မကောင်းဖြစ်လို့ နေပါရစေဦးဆိုတော့၊ ဟ-နေမကောင်းဘူးလို့ ဆင်ခြေပေးနေရင် မင်းမွဲမှာပေါ့၊ သွားမြန်မြန်၊ ကပျာကယာဆေးထိုး ဆေးဖိုး မနှမြောနဲ့။ မင်းမြန်မြန်ပြေးဖို့သာအရေးကြီးတယ်ဆိုပြီး ခိုင်းတာပဲ။ မပြေးမလွှားပဲနေရတဲ့အချိန်များရှိရဲ့လား။ မရှိဘူး။ တဏှာခိုင်းသမျှလုပ်နေရတော့ ဒီခန္ဓာငါးပါးကြီးဟာ တဏှာကျွန်ကြီးပေါ့။ ကျွန်ကြီးပီပီ တဏှာခိုင်းရာလုပ်နေရတာပဲ မဟုတ်လား။ လူလားမြောက်ကတည်းကလုပ်လိုက်ရတာ သေသည်အထိ တခိုင်းတည်း ခိုင်းနေတာပဲ။ သူ့အလုပ်တွေ လုပ်လိုက်ရတာ သေသည်အထိ မပြီးဘူး။ ကျွန်အလုပ် ကျွန်ကိစ္စ တန်းလန်းနဲ့ချည်းပဲ သေသွားကြရတယ်။ ရစရာတန်းလန်း၊ ပေးစရာတန်းလန်း၊ ခင်စရာတန်းလန်း၊ ဒီတန်းလန်းတွေနဲ့ပဲ သေသွားရတယ်။
ခန္ဓာငါးပါးက တဏှာစီမံသမျှခံနေရတော့၊ တဏှာဟာ ခင်ဗျားတို့အပေါ်မှာ အရှင်သခင်ပဲ။ ခင်ဗျားတို့ တဏှာအရှင်သခင်ကို မော်ကြည့်ရဲရဲ့လား၊ မကြည့်ရဲဘူး။ ရေကြောင်း၊ ကုန်းကြောင်း၊ လေကြောင်းသွားလိုက်ဆိုရင် သွားရတာပဲ၊ နေ၀ံ့သလား။ မနေ၀ံ့ဘူး။ ခင်ဗျားတို့ ပြေးရင်းလွှားရင်း ဟပ်ထိုးလဲလဲ အမောဆို့ပြီးသေသေ တဏှာကတော့ အခိုင်းရပ်မှာမဟုတ်ဘူး။ ရှေ့မှာ ရန်သူတွေ သူခိုးဓားမြတွေရှိတယ်။ မသွားပါရစေနဲ့ဆိုတော့၊ အို မွေးတစ်နေ့ သေတစ်နေ့ကွာ သွားတိုင်းတွေ့တာမှ မဟုတ်ပဲလို့ပြောတော့ သွားပါမယ်တဲ့။ ကျွန်ပီပီကိုး။ မျက်နှာကောင်းရအောင်လုပ်ကြရတာ။
ခန္ဓာကခံဘက်က။ ။ ဒီခန္ဓာကြီးဟာ နှိပ်စက်တတ်တဲ့တရား၊ နှိပ်စက်ခံရတဲ့တရားကြီး၊ နှိပ်စက်တတ်ဆိုတာ ခင်ဗျားတို့ကို နှိပ်စက်တာ။ နှိပ်စက်ခံရတဲ့ တရားဆိုတာက ဒီခန္ဓာကြီးဟာ ဘေးရန်တွေ၊ ၉၆-ပါးသော ရောဂါဝေဒနာတွေ၊ ၂၅-ပါးသောဘေး၊ ၃၂-ပါးသော ကံကြမ္မာတွေလာတဲ့အခါ ခန္ဓာကြီးကခံရတာပဲ။ နှိပ်စက်ခံရသောကြောင့် ဒီခန္ဓာကြီးဟာ ဒုက္ခသစ္စာ၊ ခင်ဗျားတို့ ဒီခန္ဓာကြီး ရထားတာဟာ အနှိပ်စက်ခံရဖို့ ရထားတာပဲ။ မိုးကောင်းလည်း အအေးမိတာပဲ။ မိုးခေါင်လည်း အပူမိတာပဲ။ ခန္ဓာခင်တော့ မိုးလည်းအပြစ်မတင်နဲ့၊ နေလည်းအပြစ်မတင်နဲ့၊ လေလည်းအပြစ်မတင်နဲ့၊ ဆုတောင်းပြည့်တယ်လို့တာမှတ်။ ငါ ကံမကောင်း အကြောင်းမသင့်လို့ တွေ့ရတယ်လို့ မျက်ရည်ခံမထိုးနဲ့။ တောင်းတဲ့ဆု အကုန်ပြည့်နေတာ အောက်မေ့။ ခန္ဓာက ခံဘက်ကသက်သက်ဆိုတော့ နေပူလွန်းလို့ ကာလ၀မ်းတွေဖြစ်ရင်လည်း ခံရုံပဲ။ ပလိပ်ဖြစ်လာလည်း ခံရုံပဲ။ ရောဂါဟူသမျှကို သူက အကုန်ခံယူမှာပဲ။ ဒီ ခန္ဓာကြီးဟာ ဘယ်တော့များ ကံဇာတာကောင်းမှာတုံးလို့ ဗေဒင်မမေးနဲ့၊ ဘယ်တော့မှ ကောင်းမှာမဟုတ်ဘူး။ သူက ခံဘက်ကချည်းကိုး။ နေပူလာလည်းခံ၊ မိုးရွာလည်းခံ၊ ၀မ်းလျှောလည်းခံ၊ ကျောက်ပေါက်လည်းခံ၊ မျက်စိနာလည်းခံ၊ ခေါင်းဖြူလည်းခံရုံပဲ။ နောက်ကျောတက် ဇက်လေးခေါင်းကိုက်လည်းခံရုံပဲ။ သွက်ချာပါဒ လာလည်းခံရုံပဲ။ ဒါတွေခံရလို့ မညည်းနဲ့။ ဆုတောင်းပြည့်နေတာသာမှတ်။ ဒီလိုဝေဒနာအစုစု ဒုက္ခအစုစုကို ခံရလို့ ခန္ဓာကြီးဟာ ဒုက္ခသစ္စာကြီး။
တဏှာအလှူ။ ။ စားဝတ်နေရေးအတွက် တဏှာခိုင်းသမျှ ခန္ဓာကြီးကလုပ်ရရှာတယ်။ ဒါကစီးပွားရေးကိစ္စဆိုတော့ အကုသိုလ်ကိစ္စထားလိုက်ပါတော့။ နောက် အသက်ရင်းပြီး ဒုက္ခမျိုးစုံခံပြီး ပစ္စည်းကလေးတွေ အသင့်အတင့်ရှိလာတော့ သားရှင်ပြု သမီးနားထွင်း တသက်မှာတစ်ခါဆိုတော့ လုပ်လိုက်ဦးကွ။ အံမယ် .... အသံ အတော်ကောင်းတယ်။ ကောင်းပေမယ့် အလှူစီမံပြီးဆိုကတည်းက တဏှာကခေါင်းဆောင်လားတယ်။ စားစရာမရှိရင် နေပစေ၊ ကုန်ချင်သလောက်ကုန်ကွာ။ ကြွေးယူပြီး ပြန်ဆပ်တာပေါ့။ ဒါမှ လူသာဓုခေါ်၊ နတ်သာဓုခေါ်မယ့် ခမ်းခမ်းနားနား အလှူကြီးဖြစ်မှာပေါ့တဲ့။ ဟော... မလှူခင်က တဏှာအရင်ရောက်လာတယ်။ ဘယ် ဘုန်းကြီးတော့ မပင့်ရင် မကောင်းဘူး။ ဘယ်သူတွေတော့ မဖိတ်ရင်မကောင်းဘူး။ ဟောတဏှာကစီမံပြန်တယ်။ စီမံတော့ ဒါ တဏှာအလှူပေါ့။ တဏှာက စီမံတဲ့ ဒီအလှူဟာ ပုညဘာဂိယာ ကုသိုလ်တော့ ဖြစ်ပါတယ်။ ခန္ဓာပြန်ရမယ့် ၀ဋ်ကုသိုလ်ပါပဲ။ (၀ဋ္ဋနိဿိတ=၀ဋ်ကိုမှီပြီးပြုတဲ့ကုသိုလ်) ဒီအပြင် ဘာမှမရနိုင်ဘူးတဲ့။ အလှူကို တဏှာကအုပ်ချုပ်ပေမယ့်လည်း၊ သူကသစ္စာ မသိတဲ့ အ၀ိဇ္ဇာနဲ့ တွဲပြီးအုပ်ချုပ်တယ်။ နှစ်ယောက်အုပ်ချုပ်တော့ ပိုကောင်းတာပေါ့။ ဒီတော့ အလှူ လှူတော့မယ်ဆိုရင် အ၀ိဇ္ဇာနဲ့ တဏှာဟာ စန္ဒလီစောင့်သလို အမြဲစောင့်ကြပ်အုပ်ချုပ်နေတာပဲ။ သူတို့က အလှူကြီး လှလှပပဖြစ်အောင်ဆိုပြီး သင်္ကန်းလေး ထီးလေး ဖိနပ်ကလေး ၀ယ်ခိုင်းတာပဲ။ ဒီတော့ ဒီအလှူဟာ ၀ဋ်ကိုတောင့်တတဲ့ တဏှာအလှူ၊ သစ္စာမသိပဲနဲ့ လှူတဲ့ အ၀ိဇ္ဇာအလှူမျိုးပေါ့။ သူတို့ နှစ်ဦးကအုပ်ချုပ်ရင် ဒီအလှူဟာ မျောရော့။ ဒုက္ခသစ္စာကြီးပဲ ပြန်ရမယ်။ ဒီတော့နှိပ်စက်တတ်တဲ့ တရားဆိုတာ သူပဲ။
ဒီတော့ ခင်ဗျားတို့ လှူတဲ့အလှူတွေဟာ အ၀ိဇ္ဇာနဲ့ တဏှာအုပ်ချုပ်တဲ့ အလှူတွေကများတယ်။ လူချမ်းသာ နတ်ချမ်းသာ နောင်ဘ၀ကြီးပွားရေးကိုရချင်လို့ တောင့်တပြီး လှူတာဟာ တဏှာပဲ။ ခန္ဓာဟူသမျှ ဒုက္ခသစ္စာကြီးလို့ မသိတာဟာ အ၀ိဇ္ဇာပဲ။ လိုချင်ရချင်တာက တဏှာ။ တဏှာဆိုတော့ နောင်ဘ၀မှာ ပြည့်ပြည့်စုံစုံ ဒီသား ဒီသမီး မြေးတွေနဲ့အတူ နောင်ဘုရားပွင့်တဲ့အခါ တခါတည်းအတူတူ နိဗ္ဗာန်ဝင်ရအောင် ဆုတောင်းလှူတော့ ဒါ ဒုက္ခရှည်တဲ့ အလှူမျိုးတွေပဲ။ ဒီအလှူတွေဟာ ဒုက္ခသစ္စာဆိုးကျိုးကြီးပဲ ပြန်ရမှာပဲ။
ဝိ၀ဋ္ဋကုသိုလ်။ ။ ဒီလို လူ့ခန္ဓာ နတ်ခန္ဓာ ဒုက္ခသစ္စာကြီးကို တကယ်သိပြီး မတောင့်တပဲ မလိုချင်ပဲ မရချင်ပဲ ဒုက္ခသစ္စာခန္ဓာကြီးမှ ကျွတ်လွတ်ချင်လို့ လှူပါတယ်ဆိုမှ သမ္မာဒိဋ္ဌိနဲ့ သမ္မာသင်္ကပ္ပတို့က ဦးစီးတဲ့အလှူဖြစ်တယ်။ (၀ိဝဋ္ဋနိဿိတ၊ ၀ဋ်ကိုမမှီပဲ မတောင့်တပဲ လှူတဲ့ကုသိုလ်) ဒီလိုလှူရင် ၀ဋ်ကျွတ်ပါတယ်။ ခန္ဓာငါးပါး ဒုက္ခသစ္စာကြီး မရတော့ဘူးပေါ့။ ဒီလိုအလှူမျိုးမှ ဒုက္ခသစ္စာသိပြီး လှူတဲ့အလှူ၊ အရိယာတို့၏ အလှူမျိုးဖြစ်တာ။ ဒီလိုသိပြီး လှူတော့ လှူတဲ့ပုဂ္ဂိုလ်၏စိတ်တွေဟာ အရိယာတို့၏ အလှူမျိုး စိတ်မျိုးတွေပဲ။ အနာသ၀=အာသဝေါတရားတွေကင်းတဲ့ စိတ်မျိုးတွေပဲ၊ သမ္မာဒိဋ္ဌိ(မှန်ကန်တဲ့အမြင်) သမ္မာသင်္ကပ္ပ(မှန်ကန်တဲ့အကြံအစည်)တွေ ဦးစီးတဲ့လှူတွေဖြစ်တော့ ဒါ ဉာဏ်နဲ့ယှဉ်လှူတဲ့ ကုသိုလ်မျိုး (ဉာဏသမ္ပယုတ် ကုသိုလ်မျိုး) ဖြစ်တာ။ သတ္တ၀ါတွေကို နှိပ်စက်တတ်တဲ့ခန္ဓာကြီး၊ အ၀ိဇ္ဇာတဏှာတို့၏ အနှိပ်စက်ခံရတဲ့ ခန္ဓာကြီးဟာ ဒုက္ခသစ္စာကြီးပဲ။ ဒီ ဒုက္ခသစ္စာကြီးကိုတော့ဖြင့် မလိုချင်တော့ပါဘူး။ ဒီဝဋ်ကြီးမှ ကျွတ်ပါရစေလို့ဆိုပြီး လှူတော့ ဒုက္ခသစ္စာမရတော့ဘူး။ သုခသစ္စာပဲရမယ်။
ဝိဇ္ဇာနဲ့ အ၀ိဇ္ဇာ ။ ။ အခုဟောပြောလို့ နာရလို့ ခန္ဓာကြီးဟာ အနှိပ်စက်ခံရတဲ့ ဒုက္ခသစ္စာကြီးပါလားလို့ သိမြင်ရင် ၀ိဇ္ဇာဖြစ်ပြီ။ သမ္မာဒိဋ္ဌိဖြစ်ပြီ၊ သမ္မာဒိဋ္ဌိဖြစ်ရင် သမ္မာသင်္ကပ္ပ၊ သမ္မာဝါယာမ၊ သမ္မာသတိ၊ သမ္မာသမာဓိတို့လည်း တပြိုင်နက်ဖြစ်တော့တာပဲ။ ဒီမဂ္ဂင်ငါးပါးဖြစ်ရင် လောကီမဂ်ရပြီ။ ဒါ အခု ဟောပြောနေတုန်းမို့ လောကီမဂ် ငါးပါးရနေတာ။ အိမ်ရောက်ရင် ဒါတွေပြေးပြီ။အကုန်ပျောက်ပြီ။ ငါ့ကိုယ် ငါ့ဟာ ငါ့ဥစ္စာတွေ ဖြစ်တော့မှာပဲ။
ဒီတော့ တဏှာတို့ မာနတို့ ဒိဋ္ဌိတို့ အကုန်လာတော့မှာပဲ။ ဒါတွေလာရင် သမ္မာမဂ္ဂင်ငါးပါးပြေးပြီ။ သမ္မာမဂ္ဂင်ငါးပါးပြေးရင် မိစ္ဆာမဂ္ဂင် ငါးပါးလဲ တခါတည်းရောက်လာမှာပဲ။ မိစ္ဆာမဂ္ဂင်ငါးပါးဆိုတာက မိစ္ဆာဒိဋ္ဌိ၊ မိစ္ဆာသင်္ကပ္ပ၊ မိစ္ဆာဝါယာမ၊ မိစ္ဆာသတိ၊ မိစ္ဆာသမာဓိတွေပေါ့။ မိစ္ဆာဆိုတာ မှားယွင်းတာ၊ မမှန်တာ။ ဒါတွေဟာ ကိလေသာ ငါးခုပဲ။ ဒီတော့မိစ္ဆာမဂ္ဂင်တွေ မလာအောင်၊ သမာမဂ္ဂင်တွေ ၀င်လာအောင်လုပ်။ သမ္မာမဂ္ဂင်တွေလာနေရင် ဒီကိလေသာ ငါးခုခြောက်သွားတယ်။ ကိလေသာတွေခြောက်ပြီး ဒါကိုတကယ်ပွားများကြည့်တော့ ခန္ဓာငါးပါး၏ တကယ်နှိပ်စက်တာကြီးကို မြင်မယ်။ မြင်ရင် လောကုတ္တရာမဂ်အစစ်ရပြီ။ မဂ္ဂင် ရှစ်ပါးပြည့်သွားပြီ။ အဲဒီကျမှ ကိစ္စပြီးမယ်မှတ်။
မိုးကုတ် ဆရာတော်ဘုရားကြီး ၏ သြ၀ါဒတရားများ
(သစ္စာအနက် ၁၆-ချက်တရားတော်များမှ၊)
No comments:
Post a Comment