ဒီနေ့ဟောရမှာက ဝေဒနာတို့၏ သက္ကာယဒိဋ္ဌိဖြစ်ပုံနှင့် သက္ကာယဒိဋ္ဌိချုပ်ပုံကို ဟောပြမယ်။ ရှေးဦးစွာ သက္ကာယဒိဋ္ဌိဖြစ်ကြောင်းကို ဟောမယ်။ ခင်ဗျား ခန္ဓာကိုယ်မှာ ခန္ဓာငါးပါးရှိတယ်။ ဒီခန္ဓာငါးပါးထဲက ဝေဒနာကနေ နိဗ္ဗာန်ကူးကြမယ့် ပုဂ္ဂိုလ်တွေ၊ ဝေဒနာတခုကို ကြိုးစားရင် ကျန်တာတွေ အကုန်ပါတယ်။ ဝေဒနာနဲ့အတူတကွ ဖြစ်တာတွေဟာ စိတ္တာနုပဿနာ၊ ဓမ္မာနုပဿနာ၊ ဝေဒနာနဲ့အတူဖြစ်တဲ့ ဝေဒနာရုပ်တွေပါသွားတယ်။ ဒီတော့ ဝေဒနာချုပ်ရင် ခန္ဓာငါးပါးစလုံး အကုန်ချုပ်သွားတယ်။
ဝေဒနာ ၃-မျိုး၊ ၅-မျိုး။ ။ ခင်ဗျားတို့ သန္တာန်မှာ သုခဝေဒနာ၊ ဒုက္ခဝေဒနာ၊ ဥပေက္ခာဝေဒနာရယ်လို့ ဝေဒနာ ၃-မျိုးရှိတယ်။ (၁)ချမ်းသာတယ်ဆိုရင် ကိုယ်၏ချမ်းသာမှု၊ စိတ်၏ချမ်းသာမှု ဒီ ၂-ခုပါတယ်။ ဒါဟာ သုခဝေဒနာပဲ။ ကိုယ်ချမ်းသာတယ်ဆိုရင် သုခဝေဒနာ၊ စိတ်ချမ်းသာတယ်ဆိုရင်လဲ သုခဝေဒနာပဲ။ ခွဲခြားပြီး မှတ်ချင်ရင် စိတ်ချမ်းသာတာကို သောမနဿဝေဒနာလို့ လဲ ခေါ်တယ်။ ဒီတော့ ၀ိပဿနာရှုရာမှာ သုခဝေဒနာဟာ ကိုယ်ပေါ်မှာပေါ်တယ်။ သောမနဿဝေဒနာဟာ ၀မ်းထဲ (ဟဒယထဲ)မှာ ပေါ်တယ်လို့၊ ဒီ ၂-ခု၏ နေရာမှန်ကို မှတ်ထားရမယ်။ သောမနဿဝေဒနာရှုရင် ဟဒယ၀တ္ထုပေါ်မှာ ရှုရမယ်။
(၂) ဆင်းရဲတယ်ဆိုရင် ကိုယ်၏ဆင်းရဲမှု၊ စိတ်၏ဆင်းရဲမှု ဒီ ၂-ခုပါတယ်။ ဒါဟာ ဒုက္ခဝေဒနာပဲ။ ကိုယ်ဆင်းရဲတယ်ဆိုရင် ဒုက္ခဝေဒနာ၊ စိတ်ဆင်းရဲတယ်ဆိုရင်လဲ ဒုက္ခဝေဒနာပဲ။ သို့သော် ခွဲခြားပြီးမှတ်ချင်ရင် စိတ်ဆင်းရဲမှုကို ဒေါမနဿဝေဒနာလို့လဲ ခေါ်တယ်။ ဒီတော့ ၀ိပဿနာရှုရာမှာ ဒုက္ခဝေဒနာဟာ ကိုယ်ပေါ်မှာပေါ်တယ်။ ဒေါမနဿဝေဒနာဟာ ၀မ်းထဲမှာ (ဟဒယ၀တ္ထုပေါ်မှာ) ပေါ်တယ်လို့ ဒီ ၂-ခု၏ နေရာမှန်ကို မှတ်ထားရမယ်။ ဒေါမနဿဝေဒနာရှုရင် ဟဒယ၀တ္ထုပေါ်မှာ ရှုရမယ်။
(၃) ဥပေက္ခာဝေဒနာကတော့ ၅-နေရာမှာ ပေါ်တယ်။ ဥပေက္ခာဝေဒနာ ပေါ်နိုင်တဲ့ နေရာဟာ ၅-နေရာ ရှိတယ်။ မျက်စိ၊ နား၊ နှာ၊ လျှာ၊ စိတ် - ဒီ ၅-နေရာမှာ ပေါ်တယ်။ မျက်စိနဲ့ မြင်ကာမျှမတ္တ၊ နားနဲ့ကြားကာမျှမတ္တ၊ နှာခေါင်းနဲ့နံကာမျှမတ္တ၊ လျှာနဲ့စားကာမျှမတ္တ၊ ဒီ ၄-မျိုးဟာ ဥပေက္ခာဝေဒနာပဲ။ ၀မ်းထဲမှာတော့ ဥပေက္ခာဝေဒနာဟာ ဘယ်လိုပေါ်သတုံး။ သားသမီးတွေ ဆွေမျိုးတွေ ပစ္စည်းတွေအားလုံး ကံသာလျှင် အမိအဖ ကမ္မဿကာပဲလို့ ထားလိုက်တဲ့အခါမှာ ၀မ်းထဲမှာ ဥပေက္ခာဝေဒနာပေါ်တယ်။
ဒီတော့ မျက်စိ၊ နား၊ နှာ၊ လျှာ ဒီ ၄-နေရာမှာ ဥပေက္ခာဝေဒနာတခုထဲ ပေါ်တယ်။ ကိုယ်ပေါ်မှာ သုခဝေဒနာ၊ ဒုက္ခဝေဒနာလို့ ၂-ခုပေါ်တယ်။ ၀မ်းထဲမှာ=ဟဒယ၀တ္ထုပေါ်မှာ သောမနဿဝေဒနာ၊ ဒေါမနဿဝေဒနာ၊ ဥပေက္ခာဝေဒနာလို့ ဝေဒနာ ၃-ခုပေါ်တယ်။ ၀ိပဿနာရှုတဲ့နေရာမှာ ဝေဒနာ အကျယ် ၅-မျိုးကို သုံးရမယ်။ အထက်ကပြထားတဲ့ ဝေဒနာ အသီးသီး ပေါ်ရာနေရာတွေကို ကောင်းကောင်း မှတ်ထားရမယ်။
သက္ကာယဒိဋ္ဌိဖြစ်ပုံ။ ။ ဒီဝေဒနာတွေပေါ်မှာ သက္ကာယဒိဋ္ဌိ ဘယ်လိုဖြစ်သတုံး။ သုခဝေဒနာမှာ။ ငါ့ကိုယ်ဖြင့် နေရထိုင်ရတာ သိပ်ချမ်းသာတာပဲဆိုတော့ သုခဝေဒနာကို ငါစွဲတယ်။ ငါနေရတာချမ်းသာတယ်ဆိုတော့ သုခဝေဒနာကို ငါထင်တယ်။ သုခဝေဒနာကို ငါထင်သောကြောင့် သက္ကာယဒိဋ္ဌိဖြစ်တယ်။ ငါဝမ်းသာလိုက်တာဆိုတော့ သောမနဿဝေဒနာကို ငါစွဲတယ်၊ သက္ကာယဒိဋ္ဌိဖြစ်တယ်။ သုခဝေဒနာကို ငါ့ကိုယ်၊ ငါ့ဟာ၊ ငါ့ဥစ္စာလို့ စွဲထင်လို့ရှိရင် သက္ကာယဒိဋ္ဌိသာမှတ်။ ဒါကြောင့် ဆ-ဆက္ကပါဠိတော်မှာ “သုခဝေဒနာ ဧတံ မမ ဧသောဟမသ္မိ ဧသောမေအတ္တာတိ သမနုပဿတိ။ အယံ ၀ုစ္စတိ ဘိက္ခဝေ သက္ကာယသမုဒယော”လို့ ဟောထားတော့၊ ဝေဒနာကို ငါ့ကိုယ် ငါ့ဟာ ငါ့ဥစ္စာလို့ ထင်နေရင် သက္ကာယဒိဋ္ဌိဖြစ်တာပဲ။ ငါ့ကိုယ်ဖြင့် ချမ်းသာလိုက်တာဆိုရင် ကိုယ်ပေါ်မှာရှိတဲ့ သုခဝေဒနာမှာ သက္ကာယဒိဋ္ဌိဖြစ်တယ်။ ငါဝမ်းသာလိုက်တာဆိုတော့ ၀မ်းထဲက သောမနဿဝေဒနာမှာ သက္ကာယဒိဋ္ဌိဖြစ်တယ်။
ဒုက္ခဝေဒနာမှာ။ ငါ့ကိုယ်ဖြင့် ဆင်းရဲလိုက်တာဆိုရင် ဒုက္ခဝေဒနာမှာ သက္ကာယဒိဋ္ဌိဖြစ်တယ်။ ငါစိတ်ဆင်းရဲလိုက်တာ ဆိုရင် စိတ်နဲ့ ငါနဲ့ ရောသွားတော့ ဒေါမနဿဝေဒနာပေါ်မှာ သက္ကာယဒိဋ္ဌိဖြစ်တယ်။ ဒေါမနဿဝေဒနာကို သက္ကာယဒိဋ္ဌိစွဲတာ။
ဥပေက္ခာဝေဒနာမှာ။ ငါမြင်တယ်၊ ငါကြားတယ်၊ ငါနံတယ်၊ ငါစားတယ်ဆိုရင် ဒါတွေဟာ ဥပေက္ခာဝေဒနာကို သက္ကာယဒိဋ္ဌိစွဲတာပဲ။ ငါတော့ သားရေး၊ သမီးရေး ပစ္စည်းရေးတွေကို ဘာပဲဖြစ်ဖြစ်ဆိုပြီး ပစ်ထားလိုက်တာပဲ ဆိုရင် ဒါဝမ်းထဲမှာပေါ်တဲ့ ဥပေက္ခာဝေဒနာကို သက္ကာယဒိဋ္ဌိစွဲတာပဲ။ ဒီတော့ ဝေဒနာက္ခန္ဓာ၊ သုခ ဒုက္ခ ဥပေက္ခာဝေဒနာအစုကို ငါ့ကိုယ် ငါ့ဟာ ငါ့ဥစ္စာထင်လို့ သက္ကာယဒိဋ္ဌိဖြစ်တာ။ သက္ကာယဒိဋ္ဌိဆိုတာ ဝေဒနာကို ငါ့ကိုယ်၊ ငါ့ဟာ၊ ငါ့ဥစ္စာလို့ ထင်တာပဲလို့မှတ်၊ အချုပ်ကတော့ ဝေဒနာနှင် ငါ ရောတာပဲ။
ဥပမာ။ မီးနဲ့အလင်းရောင် မီးကပူတယ်၊ အရောင်ကလင်းတယ်။ ဒီလိုကွဲပြားနေတာ အရောင်သည်ပင် မီး၊ မီးသည်ပင် အရောင်ဆိုလို့ရှိရင် ဒါဟာ တသားတည်း ယူလိုက်မယ်ဆိုရင် ဒါရောတာပဲ။ မီးနဲ့အရောင်ဟာ အတူတူပဲလို့ယူလိုက်ရင် ရောယူလိုက်ရင်၊ သက္ကာယဒိဋ္ဌိပဲ။ မီးနဲ့အရောင် မီးကပူတယ်၊ အရောင်ကလင်းတယ်၊ အဲဒါ မတူတာကြီးကို အတူတူပဲလို့ ယူလိုက်ရင် ဒါ မှားတာပဲ။ ဒီမှာလဲ ဝေဒနာနဲ့ငါ၊ ဝေဒနာကခံစားတယ်၊ ငါဆိုတာက ရှိတာမဟုတ်ဘူး၊ တကယ်ရှိတာမဟုတ်ပဲနဲ့ ဝေဒနာနဲ့ငါ မတူပဲ မတူတာကြီးကို အတူတူပဲလို့ ယူလိုက်တော့ သက္ကာယဒိဋ္ဌိ ဖြစ်သွားတာပေါ့။
ငါ့ကိုယ် ငါ့ဟာ ငါ့ဥစ္စာဆိုတဲ့ စကား ၃-လုံးကို ပါဠိတော်က “ဝေဒနာ ဧတံမမ ဧသောဟမသ္မိ ဧသောမေအတ္တာတိ”ဆိုတော့ တဏှာရော မာနရော ဒိဋ္ဌိရော စွဲတာကွတဲ့။
(၁) ဧတံ= ဤဝေဒနာသည်၊ မမ=ငါ့ဥစ္စာပဲဆိုတော့၊ ဝေဒနာကို ငါ့ဥစ္စာထင်လိုက်တယ်တဲ့။ ဝေဒနာကလေးကို ခင်တတ်တဲ့ တဏှာသဘောနဲ့ ငါ့ဥစ္စာပဲလို့ ထင်လိုက်တယ်။ ဒီတော့ တဏှာဖြစ်တယ်တဲ့၊ (၂) ဧသော= ဤဝေဒနာသည်၊ အဟံ=ငါသည်၊ အသ္မိ=ဖြစ်၏ဆိုတော့ ဒါ မာန တက်လာတာ။ (၃) ဧသော=ဤဝေဒနာသည်၊ မေ=ငါ၏၊ အတ္တာ=အတ္တတည်း၊ ကိုယ်တည်းဆိုတော့၊ ဝေဒနာကို အတ္တအနေနဲ့ယူလိုက်တော့ ဒါ ဒိဋ္ဌိဖြစ်တာပဲ။ ဒီတော့ ဝေဒနာ ၃-ခု တခုခုမှာ တဏှာ,မာန,ဒိဋ္ဌိ ၃-ခုစွဲသောကြောင့် သက္ကာယဒိဋ္ဌိဖြစ်တယ်။
ဒီ သက္ကာယဒိဋ္ဌိ မပြုတ်သရွေ့ ၆၂-ပါးသော ဒိဋ္ဌိတွေဖြစ်ဦးမှာပဲ။ သက္ကာယဒိဋ္ဌိက ၆၂-ပါးသော ဒိဋ္ဌိတွေကို ကျေးဇူးပြုတယ်။ ဝေဒနာကို ဝေဒနာလို့မသိ၊ အနိစ္စလို့ မသိလို့ရှိရင်၊ ငါ့ကိုယ်၊ ငါ့ဟာ၊ ငါ့ဥစ္စာလို့ ဖြစ်နေကြမှာပဲ။ ငါချမ်းသာတယ်ကွဆိုတော့၊ ချမ်းသာတဲ့ ဝေဒနာနဲ့ ငါဆိုတာရောပြီး၊ ဝေဒနာကို ငါ့ဟာထင်လိုက်တယ်။ ငါ ချမ်းသာနေတဲ့ဥစ္စာ ဘယ်သူ့ဂရုစိုက်ရမှာတုံးဆိုတော့၊ ဒါ မာနတက်တာ၊ ချမ်းသာတဲ့ဥစ္စာတွေဟာ ငါ့ဟာချည်းပဲလို့ထင်တော့၊ အနိစ္စလို့ မသိတော့ဘူး၊ ဒိဋ္ဌိဖြစ်သွားတယ်။ ဒါဖြင့် ဝေဒနာကို ငါ့ကိုယ် ငါ့ဟာ ငါ့ဥစ္စာလို့ ၃-ခုစွဲတယ်။ ဒီလို ၃-ခု စွဲသောကြောင့် သက္ကာယဒိဋ္ဌိဖြစ်တယ်။ ဒီလို သုခဝေဒနာ, ဒုက္ခဝေဒနာ, ဥပေက္ခာဝေဒနာ ၃-မျိုးကို ငါ့ကိုယ်, ငါ့ဟာ, ငါ့ဥစ္စာလို့ စွဲသဖြင့် သက္ကာယဒိဋ္ဌိဖြစ်တယ်။ ခင်ဗျားတို့ ဒီ ဒိဋ္ဌိ ၃-မျိုးသာဖြစ်နေမယ်ဆိုရင် သေပြီးတာပဲလို့ယူတဲ့ ဥစ္ဆေဒဒိဋ္ဌိတွေ၊ ဒီ ၀ိညာဏ်ကလေးဟာ ဟိုဘ၀၊ ဒီဘ၀လှည့်လည် ကူးပြောင်းနေတာလို့ယူတဲ့ သဿဒိဋ္ဌိတွေလာကြမယ်။ ဒီတော့ ဒီ သက္ကာယဒိဋ္ဌိကို သတ်လိုက်ရင် ဟို ဒိဋ္ဌိတွေ အကုန်သေလိမ့်မယ်။
သက္ကာယဒိဋ္ဌိဟာ မဂ်တားဖိုလ်တား ဒိဋ္ဌိအကြီးဆုံးပဲ။ သက္ကာယဒိဋ္ဌိရှိလျက်နဲ့ ကုသိုလ်တွေလုပ်ရင် နတ်ပြည်, ဗြဟ္မာ့ပြည်တွေတော့ ရောက်နိုင်ပါတယ်။ ဒါပေမယ့် နိဗ္ဗာန်တော့ မရောက်နိုင်ဘူး။ သက္ကာယဒိဋ္ဌိ ရှိလျက်နဲ့ အလှူပေးပြီး ငါကောင်းစားချင်လို့ ငါလှူတာပဲဆိုတော့ သက္ကာယဒိဋ္ဌိပါနေတယ်။ ဒီလိုလှူတော့ လှူတဲ့စေတနာကို ငါထင်ပြီး လှူတာ။ လှူတာက စေတနာက လှူတာ။ ငါက လှူတယ်လို့ထင်နေတော့ အလှူထဲမှာ သက္ကာယဒိဋ္ဌိရောပါနေတယ်။ ဒီ သက္ကာယဒိဋ္ဌိနဲ့ လှူတဲ့ ပုဂ္ဂိုလ်ဟာ နတ်ရွာသုဂတိတော့ ရောက်နိုင်ပါတယ်။ သို့သော် ဒိဋ္ဌိက၀င်တားနေတဲ့အတွက် နိဗ္ဗာန်ကိုတော့မရောက်နိုင်ဘူး။ သက္ကာဒိဋ္ဌိရောပါနေတယ်။ သက္ကာယဒိဋ္ဌိနဲ့ လှူတဲ့ အလှူဟူသရွေ့ နတ်ပြည်သာရောက်နိုင်တယ်။ နိဗ္ဗာန်တော့မရောက်နိုင်ဘူး။ သမုတိသစ္စာအနေနဲ့ ငါလှူတယ်လို့တော့ ပြောကောင်းပါတယ်။ အထင်သာမထင်ဖို့ အရေးကြီးတယ်။ ငါလို့ အထင်ပါနေရင် သက္ကာယဒိဋ္ဌိ ပါသွားပြီ။ လှူတဲ့စေတနာကို ငါထင်တဲ့အတွက် စေတနာသည်ပင် ငါ၊ ဒီလိုဖြစ်နေတယ်။ ငါထင်ရင် သက္ကာယဒိဋ္ဌိဖြစ်သွားပြီ။ ဒီကသိုလ်ဟာ နတ်ပြည်အထိတော့ တက်နိုင်ပါတယ်။ ဒါပေမယ့် သက္ကာယဒိဋ္ဌိအဆိပ်ပါသွားတော့ နတ်သက်ကုန်ရင် ပြန်ကျမှာပဲ။ သက္ကာယဒိဋ္ဌိက ဆွဲချလိုက်တာ။
သက္ကာယဒိဋ္ဌိပြုတ်နည်း။ ။ ဝေဒနာဟာ ငါ့ကိုယ်, ငါ့ဟာ, ငါ့ဥစ္စာမဟုတ်ဘူး၊ ဝေဒနာဟာ ဝေဒနာပဲ၊ အနိစ္စပဲလို့ ယူလိုက်မယ်ဆိုရင် သက္ကာယဒိဋ္ဌိပြုတ်မယ်။ ဝေဒနာဟာ ငါ့ကိုယ်လဲ မဟုတ်ဘူး၊ ငါ့ဟာလဲမဟုတ်ဘူး။ ဒီလိုဝေဒနာရှုနေတဲ့ ပုဂ္ဂိုလ်များကျတော့ ဝေဒနာကို ငါ့ကိုယ် ငါ့ဟာ ငါ့ဥစ္စာမဟုတ်ဘူးလို့ နောက်ကဉာဏ်က (မဂ္ဂင် ၅-ပါးက) သိတယ်။ ဒီလိုရှုလို့သိတော့ သက္ကာယဒိဋ္ဌိပြုတ်တယ်။
ပြုတ်နည်း ၂-မျိုး။ ။ သက္ကာယဒိဋ္ဌိပြုတ်တာလဲ သညာပြုတ်၊ ပညာပြုတ်လို့ ၂-မျိုးရှိတယ်။ ဝေဒနာဟာ ငါမဟုတ်ဘူးဆိုပြီး ဒါလောက်တင်ဉာဏ်ရတဲ့ ပုဂ္ဂိုလ်ဟာ သညာပြုတ်ဖြစ်တယ်။ ငါမဟုတ်ကြောင်းကို ဘ၀၊ ဘ၀က ဖောက်ပြန်ပျက်စီးတာတွေ မြင်လိုက်တဲ့ပုဂ္ဂိုလ်ကျတော့ ပညာပြုတ် ဖြစ်တယ်။ ပညာပြုတ်ကတော့ အလုပ်နဲ့ဖြုတ်မှ ပြုတ်မယ်။ အလုပ်ခွင်မှာတော့ ဒီဝေဒနာကို ဖြစ်ပျက်ရှုလိုက်တဲ့အခါ ဝေဒနာဟာ ဖြစ်ပြီးပျက်သွားတာပါလား၊ အနိစ္စမို့ ပျက်စီးသွားတာပါလား၊ ငါ့ကိုယ်, ငါ့ဟာ, ငါ့ဥစ္စာမဟုတ်လို့ ပျက်စီးသွားတာပဲလို့ ဒီလို သိ....သိ... ပေးပါ။ ဒီလို ၀ိပဿနာအလုပ်နဲ့ ရှုပြီးသိသွားမှ သေသေချာချာပြုတ်တာ။ ငါ့ကိုယ်, ငါ့ဟာ, ငါ့ဥစ္စာမဟုတ်ဘူးလို့ သေသေချာချာသိတော့မှ တဏှာ, မာန, ဒိဋ္ဌိတွေပြုတ်မယ်။ ဒီလိုပြုတ်မှ သက္ကာဒိဋ္ဌိပြုတ်တယ်။ တဏှာလေးပြုတ်ရုံ, ဒိဋ္ဌိလေးပြုတ်ရုံ, မာနလေးပြုတ်ရုံနဲ့ မရဘူး။ ၃-ခုစလုံးပြုတ်မှ သက္ကာယဒိဋ္ဌိ တကယ်ပြုတ်တာ။
ဒီတော့ ၀ိပဿနာနဲ့ ဖြစ်ပျက်ရှုမှ တကယ်ပြုတ်မယ်။ ဒီလို ၀ိပဿနာရှုလို့ ပြုတ်တယ်ဆိုငြားသောလဲ၊ စိတ်ထဲကသာ ပြုတ်နေတာ၊ အနုသယသဘောနဲ့တော့ မပြုတ်သေးဘူး။ (အနုသယကို မဂ်ကမှ ပယ်နိုင်တော့ မဂ်ရမှအစစ်ပြုတ်မယ်) ဒါဖြင့် ဝေဒနာကို ၀ိပဿနာရှုလို့၊ ဖြစ်ပျက်မြင်လို့၊ ငါ့ကိုယ် ငါ့ဟာ ငါ့ဥစ္စာမဟုတ်လို့ ပျက်သွားတာပဲ၊ ပျောက်သွားတာပဲလို့ မြင်ပြီဆိုတော့ တဏှာ မာန ဒိဋ္ဌိ အမြစ်ပါပြုတ်ပြီးသေရော့လား။ မသေသေးဘူး။ ဒီဝိပဿနာဉာဏ်ဟာ ၅-ပါးသာရှိသေးတော့၊ မသေသေးဘူး၊ အမြစ်မပြုတ်သေးဘူး၊ အမြစ်မပြုတ်သေးလို့ရှိရင် ဘာတွေပြုတ်သတုံးလို့မေးရင် ၃-မျိုး ခွဲပြောရမယ်။ တဏှာလောဘ ဖြစ်တဲ့အခါ ၃-မျိုး ခွဲပြောရလိမ့်မယ်။
ကိလေသာ ၃-မျိုး။ ။ ကိလေသာမှာ အနုသယကိလေသာ၊ ပရိယုဋ္ဌာနကိလေသာ၊ ၀ီတိက္ကမကိလေသာရယ်လို့ ၃-မျိုးရှိတယ်။ (၁) ဘယ်အခါမှ ရှိမှန်းတောင် မသိရတဲ့ လောဘတဏှာ ကလေးဟာ ၀မ်းထဲမှာ အနုသယသမင်္ဂီသဘောနဲ့ ငုပ်နေတယ်။ ဥပါဒ် ဌီ ဘင်သဘော၌ မရှိဘူး။ ဥပမာ..... မီးခြစ်ဆံထဲမှာ တောက်တတ်တဲ့မီးမပါဘူး။ မီးခြစ်ဗူး ယမ်းသုတ်ထားတဲ့နေရာမှာလဲ မပါဘူး။ ၂-ခု ခြစ်လိုက်ရင်တော့ မီးတောက်တယ်။ မီးခြစ်ထဲမှာ မီးတောက်နိုင်တဲ့ သတ္တိရှိတယ်။ ရှိလို့သာ တောက်တာပဲ။ ဒီထဲမှာ ငုပ်နေတဲ့ မီးရှိတယ်။ ဒါ ငုပ်မီးသဘောပေါ့။ အနုသယကိလေသာဖြစ်နေတဲ့ တဏှာ, မာန, ဒိဋ္ဌိဟာ ငုပ်နေတဲ့ မီးနဲ့တူတယ်။ (၂) ၂-ခုခြစ်လိုက်တဲ့အခါကျတော့ တောက်တဲ့မီးဖြစ်တယ်။ အဲဒါက ပရိယုဋ္ဌာနကိလေသာနဲ့ တူတယ်။ (၃) အဲဒီ မီးကနေပြီး အိမ်တွေဆက်လောင်တယ်ဆိုတော့၊ ၀ီတိက္ကမကိလေသာနဲ့ တူတယ်။ ဒါဖြင့် အနုသယမီး (ငုပ်မီး)၊ ပရိယုဋ္ဌာနမီး (တောက်မီး)၊ ၀ီတိက္ကမမီး (ကူးစက်မီး)ရယ်လို့ မီး ၃-မျိုးရှိတယ်။
ဝိပဿနာရှုလို့ အနိစ္စ, ဒုက္ခ, အနတ္တ သဘောနဲ့ ဖြစ်ပျက်မြင်ရင် ဒါ မဂ္ဂင် ၅-ပါးနဲ့ ရှုတာဖြစ်တယ်။ မဂ္ဂင် ၅-ပါးက ၀ီတိက္ကမနဲ့ ပရိယုဋ္ဌာန ကိလေသာ ၂-မျိုးကိုသာ သေအောင်လုပ်နိုင်တယ်။ အနုသယကိလေသာကိုတော့ သေအာင်မသတ်နိုင်ဘူး။ ငါ့ကိုယ်, ငါ့ဟာ, ငါ့ဥစ္စာဆိုတဲ့ တဏှာ မာန ဒိဋ္ဌိ ကိလေသာ ၃-မျိုးဟာ ပြုတ်ပင်ပြုတ်ငြားသော်လဲ အညွန့်အတက်သာ ပြုတ်တယ်။ အရင်း(အမြစ်) မပြုတ်ဘူး။ အညွန့်အတက်ဆိုတာ ၀ီတိက္ကမနဲ့ ပရိယုဋ္ဌာန ကိလေသာပေါ့။ ဒီ ၂-ခုသာပြုတ်တယ်။ အနုသယ ကျန်နေသေးတယ်။ ၀ိပဿနာက မနိုင်လို့ ကျန်ရတာပဲ။ ၀ိပဿနာမဂ်က ရှေ့ ၂-ခုကိုရှင်းပြီး ကျန်တခု (အနုသယကိလေသာ)ကို နောက်လာမယ့် မဂ္ဂင် ၈-ပါးက ရှင်းပေါ့။ ဒီလိုသွားရမှာ။ (၀ိပဿနာမဂ်မှာ မဂ္ဂင် ၅-ပါး ပါရှိလို့ ပဉ္စင်္ဂီကမဂ်လို့ခေါ်တယ်။ လောကုတ္တရာမဂ်အစစ်မှာ မဂ္ဂင် ၈-ပါး ပါရှိလို့ အဋ္ဌင်္ဂီကမဂ်လို့ ခေါ်တယ်။
သက္ကာယဒိဋ္ဌိဖြုတ်တဲ့နေရာမှာ လောကီမဂ္ဂင် ၅-ပါး (ပဉ္စင်္ဂီကမဂ်)က ၂-ခုသာဖြုတ်တယ်။ နောက်ရှုပါများလို့ ဖြစ်ပျက်အနိစ္စတွေ, ဖြစ်ပျက်အနတ္တတွေမြင်လို့ ဖြစ်ပျက်ကို မုန်းလို့ ဖြစ်ပျက်တွေကို မရှိအောင် ဆုံးအောင် ရှုနိုင်တဲ့အခါကျတော့ မဂ္ဂင် ၈-ပါးဖြစ်တယ်။ မဂ္ဂင် ၈-ပါး (အဋ္ဌင်္ဂီကမဂ်=လောကုတ္တရာမဂ်)က အနုသယအမြစ်ပါ ဖြုတ်တာ။ မဂ်အစစ်ပေါ်လာမှ ၈-ပါးပြည့်မှ ဒိဋ္ဌိဝိစိကိစ္ဆာပြုတ်တာ။ အနုသယတွေပါ ပြုတ်သွားတယ်။ အဲဒီကျမှ သက္ကာယဒိဋ္ဌိအစစ်ပြုတ်တော့တယ်။ အမြစ်ပါ ပြုတ်တော့တယ်။ ဒါကြောင့် အပါယ် ၄-ပါး လွတ်တာကလဲ မဂ္ဂင် ၈-ပါးပြည့်မှလွတ်တာ၊ မဂ္ဂင် ၅-ပါးကဖြင့် အပါယ် ၄-ပါး လွတ်ပြီလို့ မဆိုနိုင်ဘူး။ အမြစ်ကျန်နေသေးတယ်။ ဒါကြောင့် သက္ကာယဒိဋ္ဌိပြုတ်ဖို့အရေးမှာ ၀ိပဿနာကြပ်ကြပ်လုပ်ကြပါလို့ တိုက်တွန်းလိုက်ပါတယ်။ ဘယ်လိုလုပ်ရမလဲဆိုတော့ ဝေဒနာပေါ်တိုင်း ပေါ်တိုင်း ဖြစ်ပြီးပျက်တာကို မြင်အောင် ရှုပေးနေပေါ့။ ဒီလိုရှုပေးလို့ ဖြစ်ပျက်မြင်လာရင် ငါ့ကိုယ် ငါ့ဟာ ငါ့ဥစ္စာမဟုတ်လို့ ပျက်တာပဲလို့ သိရမယ်။ ဒီလို သိအောင်လုပ်လို့ရှိရင် သက္ကာယဒိဋ္ဌိ ၃-ပုံ ၂-ပုံပြုတ်တယ်။ ဒီလို ပြုတ်သွားလို့ ဒီဇောနဲ့ သေရင် သုဂတိသေချာတယ်။ ၀ိပဿနာဉာဏ်=မဂ္ဂင် ၅-ပါးက ပို့မှာပဲ။ ကျန်တခု (အနုသယကိလေသာ)ကို လောကုတ္တရာမဂ်နဲ့ အမြစ်ပါဖြတ်နိုင်ရင် ဘယ်တော့မှ အပါယ်မလားတော့ဘူး၊ မဂ်အဆင့်ဆင့်တက်သွားပြီး နိဗ္ဗာန်ဝင်ဖို့သာ ရှိတော့တယ်။
မိုးကုတ်ဆရာတော်ဘုရားကြီး၏ သစ္စာအနက် ၁၆-ချက် တရားတော်များမှ
No comments:
Post a Comment