အခု မဂ္ဂသစ္စာ၏ ဟေတွဋ္ဌ= နိဗ္ဗာန်သို့ မကွေ့ မထောင့် ဖြောင့်ဖြောင့်သွားပုံကို ပြောတော့မယ်။ ပြောတော့ ဝေဒနာ ၃-ပါးကိုပဲ ပြန်တည်ရမယ်။ ဝေဒနာဟာ သုခဝေဒနာ၊ ဒုက္ခဝေဒနာ၊ ဥပေက္ခာဝေဒနာလို့ ၃-မျိုးရှိတယ်။ ခင်ဗျားတို့ ခန္ဓာကိုယ်မှာ ဒီဝေဒနာ ၃-ပါးတွင် တပါးပါးဟာ အမြဲတမ်း ဖြစ်ပေါ်နေတာပဲ။
(၁) နေကောင်းတဲ့အခါ သုခဝေဒနာ ပေါ်တယ်။ အစားကောင်း၊ အနေကောင်း၊ ဥတုကောင်း၊ အ၀တ်ကောင်းနဲ့ တွေ့ကြုံတဲ့အခါ သုခ၀ဒေနာပေါ်တယ်။ ဒီတော့ သုခဝေဒနာဟာ ပြုပြင်တဲ့အကြောင်းတရားကြောင့်ပေါ်တာ။ အလိုလိုပေါ်လာတာ မဟုတ်ဘူး။ (၂) နေမကောင်းတဲ့အခါ ဒုက္ခဝေဒနာ ပေါ်တယ်။ မတဲ့တဲ့အစာ၊ မတဲ့တဲ့ဥတု၊ မတဲ့တဲ့နေရာဌာန၊ မတဲ့တဲ့ရေတွေကြောင့် ဒုက္ခဝေဒနာပေါ်တယ်။ ဒီတော့ ဒုက္ခဝေဒနာလဲ ပြုပြင်တဲ့ အကြောင်းတရားကြောင့်ပေါ်တာ။ အလိုလိုပေါ်တာမဟုတ်ဘူး။ (၃) နေကောင်းသည်လည်းမဟုတ်၊ မကောင်းသည်လည်းမဟုတ်၊ အသင့်အတင့်ရှိတဲ့အခါ ဥပေက္ခာဝေဒနာပေါ်တယ်။ ဥပေက္ခာဝေဒနာဟာ မျက်စိ၊ နား၊ နှာ၊ လျှာ၊ ဟဒယ၀တ္ထုဆိုတဲ့ ၅-နေရာမှာပေါ်တယ်။ ဥပေက္ခာဝေဒနာလဲ ဟိုက အာရုံနဲ့ ပြုပြင်မှပေါ်တာ။ မပြုပြင်ရင် မပေါ်ဘူး။ (မြင်ကာမတ္တ၊ ကြားကာမတ္တ၊ နံကာမတ္တ၊ စားကာမတ္တဖြစ်တဲ့အခါ ဥပေက္ခာဝေဒနာပေါ်တယ်။ သားသမီး ပစ္စည်းဥစ္စာနဲ့ ပတ်သက်ပြီး ကမ္မဿကာလို့ ထားတဲ့အခါ၊ စိတ်ထဲ-၀မ်းထဲမှာ ဥပေက္ခာဝေဒနာပေါ်တယ်။)
သဗ္ဗေသင်္ခါရာအနိစ္စာ။ ။ ဒါဖြင့် ခင်ဗျားတို့ ခန္ဓာကိုယ်မှာပေါ်တဲ့ ဝေဒနာ ၃-ပါးဟာ အကြောင်းတရားတွေက ပြုပြင်လို့၊ အာရုံဒွါရ တိုက်ဆိုင်လို့ ပေါ်လာရတာဖြစ်သောကြောင့် ဒီ ဝေဒနာတွေဟာ သင်္ခါရတရားတွေပဲ။ ဒီသင်္ခါရတရားတွေဟာ အကြောင်းတိုက်ဆိုင်လို့ ပေါ်လာရတာဖြစ်သောကြောင့် ခင်ဗျားတို့နဲ့ ဘာမှမဆိုင်ဘူး။ ခင်ဗျားတို့ ပြုပြင်ထားတာ မဟုတ်ဘူး။ ခင်ဗျား ပိုင်တာမဟုတ်ဘူး။ ဒီ သင်္ခါရတရားဟာ အကြောင်းတိုက်ဆိုင်တဲ့အခါမှာပေါ်မယ်။ အကြောင်းမတိုက်ဆိုင်တဲ့အခါ အကြောင်းတရားတွေ ချုပ်ပျောက်တဲ့အခါမှာ ပျက်မှာပဲ။ အနိစ္စရောက်မှာပဲ။ ဒီတော့ သင်္ခါရတရားဟာ အနိစ္စမှာလမ်းဆုံးတယ်။ ဒါကြောင့် ဘုရားက သဗ္ဗေသင်္ခါရာအနိစ္စာ (သင်္ခါရတရားဟူသမျှဟာ အနိစ္စချည်းပဲ)လို့ ဟောတာ။
ခင်ဗျားတို့ ရူပက္ခန္ဓာ၊ ခန္ဓာကိုယ်ဟာ ဇရပ်ကြီးနဲ့တူတယ်။ ခန္ဓာကိုယ်ဇရပ်ကြီးထဲမှာ ဝေဒနာ ၃-ခု တခုခုဟာ သူ့ အကြောင်းတိုက်ဆိုင်ရင် လာမှာပဲ။ လာတော့ ဒီဝေဒနာဟာ ဧည့်သည်ပေါ့။ ဇရပ်ဆောက်ထားလို့ လူနာရောက်လာတယ်။ လူနာလဲရောက်တယ်။ လူချမ်းသာလဲ ရောက်တယ်။ အလတ်စားလဲ ရောက်တယ်။ (ဝေဒနာ ၃-ပါး)။ ခင်ဗျားတို့ရဲ ရူပက္ခန္ဓာဟာ ဇရပ်ကြီးဖြစ်လို့ လူနာတွေလာကြတော့၊ ခင်ဗျားတို့က သြော်.... သူ့ဟာသူလာပြီး သူ့ဟာသူသွားကြတာပဲ။ ကိုယ်ကလဲ စတုဒိသာဇရပ်ကြီးပဲ၊ လူချမ်းသာလဲ သူ့ဟာသူလာပြီး သူ့ဟာသူသွားမှာပဲ၊ လူလတ်တန်းစားလဲ သူ့ဟာသူလာပြီး သူ့ဟာသူသွားမှာပဲ၊ ခင်ဗျားတို့ ဇရပ်ပိုင်ရှင်နဲ့ ဘာမှမဆိုင်ဘူး။ သြော် ..... သူ့အကြောင်းနဲ့သူ တိုက်ဆိုင်လို့ သူလာခဲ့တယ် သူ့ကိစ္စပြီးတော့ သူသွားမှာပဲ။
ဝိပဿနာဆိုတာ။ ။ ဒီလိုထိုင်ကြည့်တာကို ၀ိပဿနာလို့ ခေါ်တယ်။ ဒီ မဂ္ဂင် ၅-ပါးနဲ့ ထိုင်ကြည့်တာကို ၀ိပဿနာလို့ ခေါ်တယ်။ အဖန်ဖန်ရှုတာ ၀ိပဿနာဆိုတော့ သူပြန်သွားတာ မရှိတာလဲမြင်တာပဲ။ ဒီတော့ ၀ိပဿနာဆိုတာ မရှိတာကို သိတာ။ မရှိတာက ဝေဒနာ ၃-ပါး၊ သိတာက မဂ္ဂင် ၅-ပါး။ ဒီ မဂ္ဂင် ၅-ပါးဟာ ဟေတွဋ္ဌ၊ နိဗ္ဗာန်သို့ အဖြောင့်သွားတဲ့တရားပဲ၊ နိဗ္ဗာနံ ဂစ္ဆတီတိ မဂ္ဂေါ (နိဗ္ဗာန်သို့ သွားတတ်သောကြောင့် မဂ်မည်၏)လို့ ဆိုတော့ ဒီ မဂ္ဂင် ၅-ပါးဟာ မဂ်ပဲ။ နိဗ္ဗာန်သို့ အဖြောင့်သွားတတ်တဲ့ မဂ်ကို ၃၁-ဘုံအတွင်း ကွေ့ကောက်လှည့်လည်သွားနေတဲ့တဏှာက ကန့်ကွက်ချုပ်ချယ်လို့မရဘူး။ အဲ ..... ဝေဒနာဖြစ်ပြီး ပျက်သွားတာကို မြင်လိုက်ပြီဆိုရင် ဝေဒနာနောက်က လိုက်မယ့်တဏှာဟာ ချုပ်သွားတာပဲ။ ကောက်ကျစ်တဲ့တဏှာ သေသွားပြီပေါ့။ ဘာပြုလို့ တဏှာ သေရသတုံးဆိုတော့၊ တဏှာဖြစ်မယ့် နေရာမှာ မဂ်ပေါ်လို့။ မဂ်ပေါ်လာတော့ တဏှာလာခွင့်မရတော့ဘူး။ မလာတော့ဘူး။ ချုပ်ပျောက်သွားတယ်။ ဒီတော့ ဒီ မဂ်ဟာ တဏှာကို သတ်ပစ်ပြီးတော့ နိဗ္ဗာန်ကို ဖြောင့်ဖြောင့် သွားတတ်တဲ့ သူ့ သဘောအတိုင်း အဖြောင့်သွားရုံပဲရှိတော့တယ်။ ဒီ မဂ်ဟာ တဏှာကိုလဲ သတ်တယ်။ နိဗ္ဗာန်ကိုလည်း အဖြောင့်သွားတယ်။ ဒါကြောင့် မဂ္ဂင်=၀ိပဿနာလုပ်ရင် နိဗ္ဗာန်ကို အဖြောင့်သွားပြီလို့မှတ်။
ယဒါပညာယပဿတိ။ ။ ယဒါ= အနိစ္စရောက်ရင် ချုပ်ပျောက်သောအခါ။ ပညာယ= မဂ်ဉာဏ်ဖြင့် (၀ါ) မဂ္ဂင် ၅-ပါးဖြင့်၊ ပဿတိ=ရှု၏။ ရှုပေး။ ဒီတော့ ဝေဒနာအနိစ္စရောက်လို့ ချုပ်ပျောက်တဲ့အခါမှ မဂ္ဂင် ၅-ပါးနဲ့ ရှုပေးရမယ်။ ဝေဒနာရှုခိုင်းတာမဟုတ်ဘူး။ ဝေဒနာဖြစ်ပြီး ပျက်သွားတာကို ရှုခိုင်းတာ။ ဘုရားက အနိစ္စကိုရှုစေချင်တယ်။ ဘယ်သူ့အနိစ္စလဲ မေးစရာရှိုလို့ ဝေဒနာရဲ့အနိစ္စရှုဆိုပြီး ဝေဒနာ နာမည်တပ်ပေးရတာ။ တကယ်ရှုရမှာက ဝေဒနာမဟုတ်ဘူး။ အနိစ္စရှုရမှာ။ ဒါကြောင့် သဗ္ဗေသင်္ခါရာအနိစ္စာ၊ ယဒါပညာယပဿတိ။ ဆိုတဲ ပါဋ္ဌိတော် ၂-ရပ်ကို စပ်ယူလိုက်ရင် အနိစ္စရောက်သွား ချုပ်ပျောက်သွားတဲ့ ဝေဒနာဆိုတဲ့ သင်္ခါရတရားကို အရှုခိုင်းတာ။ ရှုရမှာဆိုတာ ရှင်းနေပါတယ်။
ခင်ဗျားတို့ ခန္ဓာကိုယ်မှာ ဝေဒနာ ၃-ပါးဟာ လှည့်ပေါ်နေမှာပဲ။ ပေါ်ပြီးချုပ်ပျောက်သွားမှာပဲ။ ဒီတော့ ဘယ်ဝေဒနာ ပေါ်ပြီးချုပ်သွားသွား နောက်က မဂ္ဂင် ၅-ပါး လိုက်ပြီး ရှုပေးရမယ်။ ၀ိပဿနာဉာဏ်နဲ့ ရှုပေးရမယ်။ ဝေဒနာကတော့ သူ့နိယာမသဘောအတိုင်း ခဏခဏပေါ်ပြီး ခဏခဏချုပ်ပျောက်နေမှာပဲ။ ဒီလို ဝေဒနာချုပ်သွားတိုင်း ချုပ်သွားတိုင်း နောက်က ၀ိပဿနာဉာဏ်နဲ့ လိုက်ပြီး ရှု....ရှု ပေးသွားရမယ်။ ဟိုက အနိစ္စရောက်တယ်၊ ဒီက ပညာနဲ့ကြည့်ပေး။ ယဒါဆိုသဖြင့် ဟိုက အနိစ္စရောက်တဲ့အချိန်မှကြည့်။ ဝေဒနာကို မကြည့်နဲ့။ အနိစ္စရောက်တဲ့အချိန်မှာ မဂ္ဂင်= ၀ိပဿနာပညာနဲ့ ရှုရမှာ။ အနိစ္စရောက်တိုင်း ရောက်တိုင်း နောက်က ချက်ချင်း ပညာနဲ့ လိုက်ရှုပေးရမယ်။ အဲဒီတော့ ခင်ဗျားတို့ နိဗ္ဗာန်မရောက်တာက ဝေဒနာက အနိစ္စမရောက်လို့လား ပညာမရောက်လို့လားဆိုတော့၊ ပညာမရောက်လို့ပဲ။ ဝေဒနာကတော့ ခဏခဏပေါ်ပြီး ခဏခဏအနိစ္စရောက်တာ ပြနေတာပဲ။ အဲဒီ အနိစ္စဖြစ်တိုင်းဖြစ်တိုင်း ခင်ဗျားတို့က ပညာနဲ့ ရှု-ရှုမပေးလို့ နိဗ္ဗာန်မရောက်တာ။ ၃၁-ဘုံထဲ ကွေ့ကောက်သွားနေတာ ဘာကြောင့်၊ ပညာမလာပဲ တဏှာက၀င်လာလို့။
ဝိပဿနာအလုပ်မှာ ဒီ ယဒါပညာယပဿတိနဲ့ စတာပဲ။ ဒါ ပထမဉာဏ် (ယထာဘူတဉာဏ်)ကို ဟောတာပဲ။ ၀ိပဿနာလုပ်ရင် ဒီဉာဏ်နဲ့စလုပ်။ ဒီပြင်ဟာတွေနဲ့ စ မနေနဲ့။ ရုပ်နာမ်မသိရင် ဆရာ့သွားမေး၊ ဒါမေးလို့ သိရင် ပြီးတာပဲ။ ကိုယ်ရှုဖို့ မဟုတ်ဘူး။ ကိုယ်ရှုဖို့အလုပ်ကတော့ ဒီ ပထမဉာဏ်က စရမယ်။ ဒီတော့ ယဒါပညာယပဿတိဟာ ကိုယ့်တာဝန်ပဲ၊ အနိစ္စ ရောက်တိုင်းရောက်တိုင်း နောက်က ယဒါပညာယပဿတိလိုက်ပေး။ လိုက်ရင် ဖြစ်ပျက်မြင်ပြီ။ ဖြစ်ပျက်မြင်ရင် ဟေတွဋ္ဌော= နိဗ္ဗာန်သွားတဲ့လမ်း ဖြောင့်သွားပြီ။ ဒါ အလုပ်လုပ်မှ ဖြောင့်မှာ။ သူကအလိုလိုပေါ်မလာဘူး။ ဖြစ်ပျက်မရှုလို့ မမြင်လို့ရှိရင် မဂ်မလာပဲ တဏှာလာလိမ့်မယ်။ တဏှာလာရင် လမ်းကောက်သွားပြီ။ ဒီတော့ ဝေဒနာဖြစ်ပျက် မရှုတဲ့ ပုဂ္ဂိုလ်မှာ တဏှာလာမယ်။ ရှုတဲ့ပုဂ္ဂိုလ်ကျတော့ ပညာလာမယ်။ တဏှာမလာတော့ဘူး။ ဒီလိုဆို ဖြောင့်ပြီမှတ်။
အထနိဗ္ဗိန္ဒတိဒုက္ခေ။ ။ အထ=ထိုသို့ ဖြစ်ပျက်မြင်ပြီးးသောအခါ၊ ဒုက္ခေ= ဖြစ်ပျက်ဒုက္ခသစ္စာ၌။ နိဗ္ဗိန္ဒတိ= ငြီးငွေ့လာ၏။ အနိစ္စ၊ ဒုက္ခဖြစ်တဲ့တရား၌ ငြီးငွေ့အောင်ဆက်လုပ်တဲ့။ ဖြစ်ပျက်မြင်ပြီးနောက် ဆက်ရှုလို့ အနိစ္စဖြစ်တဲ့ ဒုက္ခဖြစ်တဲ့တရား၌ ငြီးငွေ့လာရင် ဒုတိယဉာဏ် (နိဗ္ဗိဒါဉာဏ်)ရလာပြီ။ ဒီတော့ ဝေဒနာဖြစ်ပျက်ရှုလို့ မြင်လာရင် နောက် .... ဒီ ဖြစ်ပျက်၌ ငြီးငွေ့တဲ့ ဉာဏ် (နိဗ္ဗိဒါဉာဏ်)ရအောင် ဆက်လုပ်ရမယ်။
သေမဂ္ဂေါဝိသုဒ္ဓိယာ။ ။ သေမဂ္ဂေါ= မဂ္ဂင် ၅-ပါးမှ ၈-ပါးပြည့်လာသောမဂ်သည်၊ ၀ိသုဒ္ဓိယာ= စင်ကြယ်ခြင်းငှာ (၀ါ) ကိလေသ၀ဋ် ကမ္မ၀ဋ် ၀ိပါက၀ဋ်ဆိုတဲ့ ၀ဋ် ၃-ပါး စင်ကြယ်သွားခြင်းငှာ ဖြစ်၏။ ဒုတိယဉာဏ်ရပြီးနောက်၊ တတိယဉာဏ်ကို ဆက်တက်ရမယ်။ ဒုတိယဉာဏ်တုန်းက ဖြစ်ပျက်ဒုက္ခသစ္စာကို ငြီးငွေ့လာတယ်။ အဲဒီဉာဏ်ထဲ ထင်နေတဲ့ဖြစ်ပျက်ကို မကြည့်ချင်ပဲ ငြီးငွေ့လျက်နဲ့ပဲ ဆက်ပြီးတော့ ပေရှုရမယ်။ ပေရှုဖန်များပြီး ကြာတော့ ဒီဖြစ်ပျက်ကြီးဟာ ဒုက္ခသစ္စာ အစစ်ပါလား။ ဒီဒုက္ခသစ္စာကြီးတော့ မလိုချင်တော့ပါဘူးလို့ ဒုက္ခသစ္စာကြီးကို ပိုင်းခြားသိမြင်ပြီး ယတိပြတ် စွန့်ပစ်လိုက်တဲ့ အခါမှာ (ဝေဒနာ) ဖြစ်ပျက်ဟာ ပျောက်ထွက်သွားတယ်။ (ချုပ်ဆုံးသွားတယ်)၊ ဖြစ်ပျက်ဒုက္ခသစ္စာကြီး ပျောက်ထွက်သွားတယ်။ ဒီဒုက္ခသစ္စာကြီးကို နှစ်သက်လိုချင်တဲ့ တဏှာလဲ တခါတည်း အမြစ်ပါ ချုပ်ပျောက်သွားတယ်။ ယခင်ရှုခဲ့တဲ့ မဂ္ဂင် ၅-ပါးဟာလဲ ၈-ပါးပြည့်သွားပြီးတော့ လောကုတ္တရာမဂ်အစစ်ဖြစ်လာတယ်။ အဲ (ဝေဒနာ) ဖြစ်ပျက်ဆုံးသွားတော့ ဖြစ်ပျက်ဒုက္ခသစ္စာလဲ မရှိတော့ဘူး။ အပါယ်ကိုကျစေတတ်တဲ့ တဏှာဒိဋ္ဌိ ၀ိစိကိစ္ဆာဆိုတဲ့ ကိလေသာ အညစ်အကြေးတွေလဲမရှိတော့ဘူး။ ၀ဋ် ၃-ပါးစလုံး စင်ကြယ်သွားပြီး ၀ိသုဒ္ဓိဖြစ်သွားပြီ။
ဒီတော့ တတိယဉာဏ်ဖြစ်တဲ့ မဂ်ဉာဏ် (လောကုတ္တရာမဂ်ဉာဏ်) ပေါ်လာတဲ့အခါမှာ ၀ိသုဒ္ဓိစင်ကြယ်သွားပြီ။ ဘာတွေစင်ကြယ်သွားသလဲ။ အပါယ်ကျစေတတ်တဲ့ ဒိဋ္ဌိဝိစိကိစ္ဆာ တဏှာစတဲ့ အကုသိုလ်ကိလေသာ အညစ်အကြေးတွေ စင်ကြယ်သွားတယ်။ အပါယ်ကျစေတတ်တဲ့ နောက်နောက်က အကုသိုလ်ကံတွေလဲ ချုပ်ပျောက်သွားလို့ (အဟောသိကံဖြစ်သွားလို့) စင်ကြယ်သွားတယ်။ အပါယ် ၄-ပါး၌ ဖြစ်ရမယ့် အကျိုးဝိပါက်တွေလဲ ချုပ်ငြိမ်းလို့ စင်ကြယ်သွားတယ်။ အပါယ်ရောက်စေတတ်တဲ့ ကိလေသာကံတွေ (အကြောင်းတွေ) ချုပ်သွားတော့ အပါယ်စပ်တဲ့ အကျိုးဝိပါက် (ခန္ဓာ)တွေလဲ အကုန်ချုပ်သွားတယ်။ ဒီတော့ မဂ်အစစ်ဖြစ်လာရင် အပါယ်နဲ့စပ်ပြီး ကိလေသာဝိသုဒ္ဓိ ကမ္မ၀ိသုဒ္ဓိဖြစ်သွားပြီလို့မှတ်။
အထက်ကပြခဲ့တဲ့ ပါဠိဂါထာကလေးမှာ ၄-ပိုင်းပါတယ်။ ဒီ ၄-ပိုင်းတွင် (၁) သဗ္ဗေသင်္ခါရာ အနိစ္စာဆိုတဲ့ ပထမပိုင်းက သင်္ခါရဟူသမျှ အနိစ္စဖြစ်ကြောင်း ပြတယ်။ (၂) ယဒါပညာယပဿတိဆိုတဲ့ ဒုတိယပိုင်းက ဖြစ်ပျက်= အနိစ္စကို ရှုမြင်လာတဲ့ ယထာဘူတဉာဏ်ဆိုတဲ့ ပထမ၀ိပဿနာဉာဏ်ကို ပြတယ်။ (၃) အထနိဗ္ဗိန္ဒတိဒုက္ခေဆိုတဲ့ တတိယပိုင်းက ဖြစ်ပျက်= ဒုက္ခသစ္စာကို ငြီးငွေ့လာတဲ့ နိဗ္ဗိဒါဉာဏ်ဆိုတဲ့ ဒုတိယ၀ိပဿနာဉာဏ်ကိုပြတယ်။ (၄) ဧသမဂ္ဂေါဝိသုဒ္ဓိယာဆိုတဲ့ စတုတ္ထအပိုင်းက ဖြစ်ပျက်-ဒုက္ခသစ္စာ ချုပ်ဆုံးလို့ စင်ကြယ်သွားတဲ့ တတိယဉာဏ်လို့ခေါ်တဲ့ လောကုတ္တရာမဂ်ဉာဏ် အစစ်ကိုပြတယ်။
ဒီတော့ ဒီပါဠိဂါထာကလေးဟာ သင်္ခါရ တရားတွေရဲ့ ပင်ကိုယ်သဘောကိုလည်းကောင်း၊ ၀ိပဿနာအားထုတ်ရာမှာ အစဉ်အတိုင်းတက်သွားရမယ့် ဉာဏ် ၃-ဆင့်ကို လည်းကောင်း ပြထားတဲ့အတွက် တိုတိုကလေးနဲ့ အလွန်အချက်ကျတဲ့ ဂါထာကလေးဖြစ်တယ်။ ဒီတော့ ဒီဂါထာပါ သဘောသွားအတိုင်း အလုပ်လုပ်ရင် ဟေတွဋ္ဌော ဖြစ်ပြီး နိဗ္ဗာန်အဖြောင့်သွားပြီလို့မှတ်။
မိုးကုတ်ဆရာတော်ဘုရားကြီး၏ သစ္စာအနက် ၁၆-ချက် တရားတော်များမှ
No comments:
Post a Comment